Kreu i OSBE-së në Kosovë, Michael Davenport, e ka vizituar Komunën e Graçanicës, ku ka diskutuar me kryetaren e Komunës së Graçanicës, prof. dr. Ljiljana Shubariq dhe këshilltarin për komunite pakicë, Sasha Daniq, për çështjet aktuale dhe vazhdimin e bashkëpunimit të ndërsjellë në periudhën e ardhshme.
Davenport ka diskutuar me zyrtarët e Komunës së Graçanicës për parandalimin dhe punën për shtypjen e dhunës në familje, për afirmimin e të rinjve dhe pozitën e komuniteteve pakicë në territorin e Komunës së Graçanicës.
Në këtë aspekt, janë përmbledhur rezultatet e aktiviteteve të përbashkëta të OSBE-së dhe Komunës së Graçanicës në periudhën e kaluar dhe janë dakorduar modalitetet e vazhdimit të atij bashkëpunimi, në të cilin OSBE-ja do ta përkrahë qeverisjen lokale si deri më tani.
Kryetarja Shubariq dhe këshilltari Daniq e njohën kreun e OSBE-së me aktivitetet dhe projektet që Komuna e Graçanicës i zbaton në mënyrë të pavarur dhe me mbështetjen e partnerëve ndërkombëtarë dhe theksuan se forcimi i të gjitha komuniteteve përmes ndihmës individuale dhe kolektive është me rëndësi jetike për qëndrueshmërinë dhe bashkëpunimin ndëretnik të komuniteteve në territorin e Komunës së Graçanicës.
