Pas mbajtjes së tetë prezantimeve publike të buxhetit për vitin e ardhshëm të Komunës së Graçanicës me qytetarët e komunës, ku banorët patën mundësi t’i shprehin problemet e tyre më prioritare, përfaquesit e Komunës së Graçanicës mbajtjen prezantimin e nëntë publik me përfaqësuesit e organizatave të sektorit civil për të marrë pjesë së bashku në planifikimin e buxhetit komunal për vitin 2013.
Me përfaqësuesit e organizatave joqeveritare bisedoi Kryetari i Komunës së Graçanicës, Bojan Stojanoviq, i cili gjatë diskutimit interaktiv ftoi përfaqësuesit e sektorit civil të bashkëpunojnë në ofrimin e shërbimeve administrative për qytetarët, si në përmirësimin e zhvillimit ekonomik.
Kryesuesi i Kuvendit Komunal i Graçanicës, Goran Laziq, theksoi se deri më tani në të gjitha prezantimet publike të buxhetit janë shënuar rreth njëqind propozime të projekteve infrastrukturore, që do të përfshihen në axhendën e mbledhjes së ardhshme të Kuvendit.
Në këtë debat u prezantua projekti “Ju vendosni”, i realizuar nga OJQ “Komunikimi për Zhvillimin e Shoqërisë” me qëllim që të intervistohen qytetarët në secilin prej 17 –të fshatra të komunës, në mënyrë që të përmirësohet komunikimi në mes të qytetarëve dhe Komunës. Projekti ka për qëllim identifikimin e problemeve më prioritare të natyrës infrastrukturore dhe krijimin e një dokumenti të vetëm në formën e Planit të Veprimit. Ky dokument paraqet rezultatet e hulumtimit për secilin fshat, ku do të prezantohet vendi ku komuna duhet në të ardhmen të investojë, sidomos nëpër ato fshatra ku deri më tani është punuar më se paku, si Lepinë, Radevë, Skullanevë dhe Batus.
Gjatë debatit, pjesëmarrësit kanë shprehur propozimet më prioritare, me zbatimin e të cilëve do të zgjidhen disa prej problemeve të banorëve të Komunës, siç janë: ndërtimi i unazës rreth qendrës në Graçanicë, hapja e linjave lokale të autobusëve për transportin e banorëve të komunës, hapja e tregut në Graçanicë, hapja e Universitetit, Teatrit, zgjidhja e problemit të deponive ilegale, mbrojtja e mjedisit, përcaktimi i lokacionit për një varrezë të re në Graçanicë dhe shumë sugjerime të tjera.
Debati u organizua në bashkëpunim me USAID/DEMI projektin.
Komuna e Graçanicës, në bashkëpunim me USAID/DEMI projektin, ka organizuar debatin me temë „Planifikimi i buxhetit komunal për vitin 2013” me përfaqësuesit e organizatave joqeveritare nga Komuna e Graçanicës.
