Viti 2015 përfundoi. Departamenti komunal i Urbanizmit ka punuar shumë. Cili është, sipas jush, projekti i vitit?
Komuna e Graçanicës, në veçanti Departamenti i Urbanizmit ka punuar shumë, por edhe si të gjitha departamentet e Komunës së Graçanicës. Kësaj i shtohen edhe rezultatet të cilat departamenti ynë i arriti në vitin 2015. Këto rezultate pasqyrohen në realizimin e projekteve kapitale, mbrojtjes së mjedisit, por edhe në implementimin e projektit të legalizimit, si dhe në punën e përditshme të Sektorit të Kadastrit. Suksesin e madh e arritëm edhe gjatë rregullimit të çështjes së strehimit në territorin e komunës, duke marrë parasysh se pranë departamentit tonë funksionon edhe Komisioni i banimit. Megjithatë, dy nga gjërat më të mëdha të cilat i kemi bërë në vitin 2015 janë zgjidhja e çështjes së uzurpimit të pronës komunale dhe ndërtimi i Qendrës turistike informative. Komuna e Graçanicës, përkatësisht menaxhmenti i saj, pjesë e së cilës jam edhe unë, tani në mënyrë adekuate merret me këtë çështje. Veçanërisht si problem më i madh ishte ai lidhur me uzurpimin e banesave në ndërtesat banesore të ndërtuara nga Ministria për Komunitete dhe Kthim, si dhe të njësive banesore të ndërtuara nga Republika e Sërbisë. Këtë probleme e kemi zgjidhur pothuajse gati 90 për qind dhe ky është një hap i madh për Komunën e Graçanicës. Tani e kemi hapur rrugën që të merremi në mënyrë të drejtë me strehimin banesor në vitin e ardhshëm. Gjithashtu, është më rëndësi të theksohet se projekti më i rëndësishëm kapital është ndërtimi i Qendrës turistike informuese. Ky është projekti më i lirë, por më i vlefshëm për Komunën e Graçanicës, për Departamentin e Urbanizmit, por edhe për Fakultetin e Shkencave Teknike dhe studentët, të cilët kanë punuar sipas konkursit të shpallur nga Komuna e Graçanicës, e cila pastaj edhe e financoi realizimin e tij.
Sfida më e madhe në vitin 2015 për ju dhe Shërbimin tuaj të banimit ishte sigurisht dëbimi i uzurpuesve të paligjshëm të njësive të banimit në pronësi të Komunës së Graçanicës. Detyra e guximshme dhe përgjegjëse ishte gjetur para jush. Ju lutem na tregoni se cilat ishin problemet më të mëdha në këtë rrugëtim dhe a shpresoni në realizimin e tyre të suksesshëm?
Para se të fillonim me zgjidhjen e problemit të uzurpimit, ne e kishim përpiluar një plan të mirë, në hartimin e të cilit morën pjesë edhe zyrtarët e Shërbimit të banimit, drejtorët, kryetari, juristët dhe shumë të tjerë të cilët janë komptent për t’u marrë me këtë çështje. Pengesat e pritura, në të cilat kemi hasur, ishin ata njerëz të cilët e kanë uzurpuar pronën komunale dhe të cilëve mbi asnjë bazë ligjore nuk i takon të jenë pjesë e programit të strehimit banesor, si dhe politizimi i e gjithë çështjes, sepse shumica e të uzurpuesve e ka zënë pronën komunale me miratimin e disa autoriteteve nga qeveria e mëparshme, por plani i mirë, zbatimi i mirë dhe veprimi i mençur i menaxhmentit aktual të komunës që çuan deri te realizimi i dëbimit të suksesshëm pa asnjë pasojë. Tani jemi në fund të zgjidhjes së problematikës, sepse kanë mbetur disa njësi banesore në ndërtesën në Padalishtë. Këtu presim ndihmë nga inspektorët e policisë së Kosovës, pasi që kemi dy pjesëtarë të Policisë së Kosovës të cilët i kanë uzurpuar dy njësi banesore. Është një sukses i madh që arritëm një kompromis me shumë familje, sidomos me ata që me të vërtetë kanë nevojë për ndihmë. Në këtë drejtim, dua të përmend se të gjitha këto familje do të jenë pjesë e programit social në vitin 2016. Disa prej tyre do të akomodohen nëpër njësitë të banimit, disa do të marrin material ndërtimor për ndërtim apo përfundimin e shtëpisë. Qëllimi ynë është që deri në gjysmën e parë të vitit 2016 ta zgjidhim këtë çështje. Tani për tani, komuna ka ndihmuar në pagesën e qirasë mujore dhe ndarjen e lëndës djegëse për ngrohje.
Ju lutem na tregoni se cilat ishin projektet e tjera të rëndësishme që janë realizuar në vitin 2015 dhe na shpjegoni rëndësinë e tyre?
Ka pasur me të vërtetë shumë projekte, por disa nga më të rëndësishmet janë rindërtimi dhe asfaltimi i rrugës nga fshati Batushë deri te Lagjja e Re, e cila tani është një lidhje e rëndësishme në mes këtyre fshatrave. Pastaj, këtu është përfshirë edhe rruga e ndërtuar nga fshati Batushë deri te Lepina, ku gjithashtu falë ndihmës së Ministrisë së Vetëqeverisjes Lokale është vazhduar me shtrimin e rrugës deri te fshati Skullan. Ne presim që vitin e ardhshëm ky projekt do të përfundojë plotësisht, si dhe do ta shtrojmë rrugën deri te Lagjja e Re. Gjithashtu, e kemi rindërtuar plotësisht rrugën nga Preoci deri te fshati Uglar. Aktualisht, është duke u zbatuar faza e dytë e rikonstruktimit të rrugës që kalon pranë kopshtit për fëmijë në rrugën "Arsenije Çarnojeviq", ku është shtuar shtegu për këmbësorë. Kemi filluar me ndërtimin e një kishe në Badoc, ka përfunduar faza e parë, përkatësisht ndërtimi gri, ndërsa në vitin 2016 presim përfundimin e ndërtimit. Kemi ndërtuar një shtëpi të famullisë në Gushtericën e Epërme, Qendrën e biznesit në Graçanicë, i kemi rindërtuar shkollat në Preoc dhe Livagjë. Gjithashtu, filluam me ndërtimin e sallës së edukatës fizike në Llapnasellë, e ndërtuam sheshin e lojrave të hapur për fëmijë në Llapnasellë.
A posedom departamenti komunal i udhëhequr nga ana juaj potencial profesional për të realizuar të gjithë atë që komuna po planifikon në të ardhmen. A keni nevojë për personel shtesë të kualifikuar?
Departamenti i Urbanizmit i Komunës së Graçanicës është i përbërë nga stafi i kualifikuar. Ne kemi gjashtë arkitektë, duke përfshirë edhe mua si drejtorin, një avokat, i cili është i angazhuar në dhënien e lejeve të ndërtimit, ndërsa juristi tjetër është shefi i kadastrit. Ajo që është më e rëndësishme është se në departamentin tonë të gjithë punojmë si një ekip, sepse ky është çelësi i suksesit. Rregullisht i mbajmë takimet në të cilat i identifikojmë detyrat dhe problemet, si dhe gjetjen e mënyrave për zgjidhjen e tyre dhe për këtë arsye rezultatet tona janë në nivel të lartë.
Përveç planifikimit urban, në fushën e menaxhimit tuaj, është edhe Shërbimi i kadastrit, i cili me të vërtetë çdo ditë ka shumë punë dhe i cili përpiqet që të dalë në ndihmë të gjitha palëve. A e arrini këtë?
Departamenti i kadastrit ka shumë punë, por edhe shumë probleme, duke pasur parasysh se vetë sistemi i kadastrit është i vjetër. Ne jemi duke punuar shumë për të përmirësuar këtë sistem, në mënyrë që ai të jetë në kolerracion me sistemet e tjera në rajon. Për shkak të vëllimit të punës në Departamentin e kadastrit kemi nevojë për njerëz të tjerë profesional të kualifikuar. Departamenti i kadastrit, mund të them lirshëm, se është departamenti i cili ka më shumë punë dhe më numrin më të madh të kërkesave të pranuara, si dhe kontaktet e realizuara me palët, kështu që i kemi marrë disa punëtorë nga departamentet e tjera për t’ iu përgjigjur të gjitha këtyre kërkesave dhe vëllimit të punës dhe të dalim në ndihmë të gjitha palëve, e sidomos atyre që vijnë nga zonat e tjera.
Çfarë është ajo që keni planifikuar për të bërë në vitin 2015 dhe për disa arsye ju nuk e arritët këtë?
Që nga janari, ne do i analizojmë të gjitha që janë bërë në vitin 2015 dhe do të bëjmë një retrospektivë dhe t’i përcaktojmë problemet e mundshme që kanë shoqëruar punën tonë në vitin 2015, me qëllim të parandalimit të përsëritjes së tyre në vitin 2016. Ne tashmë i kemi disa ide dhe detyra për vitin 2016, por me fillimin e vitit do t’i qasemi hartimit të planit dhe afatit të saktë për realizimin e ideve. Çdo gjë që kemi planifikuar në vitin 2015 u realizua. Gjithashtu, në mënyrën më të përshtatshme e kemi filluar implementimin e Ligjit për legalizim.
Mesazhi juaj festiv për punonjësit e sektorit tuaj dhe popullatën në Komunën e Graçanicës?
Unë ua uroj Vitin e Ri dhe Krishtlindjet të gjithë punëtorëve të Komunës së Graçanicës dhe zyrtarëve të departamentit tim, por edhe gjithë banorëve të Komunës së Graçanicës. Unë dua që ata të jenë të lumtur, sepse lumturia është vendimi i njeriut, nëse ai vendos të jetë i lumtur ai me të vërtetë do të jetë i lumtur. Qytetarët i këshilloj që të përpiqen të jenë pjesë e Komunës së Graçanicës, sepse ne vetë nuk do të jemi në gjendje t’i zgjidhim të gjitha sfidat që janë para nesh, por në qoftë se ata janë të përfshirë në punën e institucioneve, ne së bashku do të arrijmë rezultate të mëdha. Këshilla ime për punëtorët është që të punojnë shumë, sepse vetëm kështu ne mund të arrijmë ato që i kemi planifikuar me një mesazh "Punoni në heshtje dhe leni që rezultatet tuaja të flasin për ju!“ Sigurisht që me këtë rast dua t’i falënderoj punëtorët që kanë punuar shumë vitin e kaluar, si dhe për përpjekjet, kreativitetin dhe realizimin me sukses të planeve.
Departamenti i Urbanizmit, Kadastrit dhe Mbrojtjes së Mjedisit të Komunës së Graçanicës, i udhëhequr nga drejtori Dejan Jovanoviq, i përfundoi të gjitha ata që janë planifikuar në vitin 2015. Me punën ekipore dhe profesionale është realizuar një numër projektesh të rëndësishme kapitale dhe është zgjidhur problemi shumëvjeçar lidhur me uzurpimin e pronës komunale. Me respekt të ndërsjellë ndërtohet energjia pozitive, e cila është çelës i vitit të përfunduar me sukses.
800×600
Normal
0
false
false
false
EN-US
X-NONE
X-NONE
MicrosoftInternetExplorer4
/* Style Definitions */
table.MsoNormalTable
{mso-style-name:”Table Normal”;
mso-tstyle-rowband-size:0;
mso-tstyle-colband-size:0;
mso-style-noshow:yes;
mso-style-priority:99;
mso-style-parent:””;
mso-padding-alt:0in 5.4pt 0in 5.4pt;
mso-para-margin:0in;
mso-para-margin-bottom:.0001pt;
mso-pagination:widow-orphan;
font-size:10.0pt;
font-family:”Calibri”,”sans-serif”;}
