Diskutimi publik buxhetor mbi prioritetet për investimet kapitale për vitin 2025 në kuadër të Kornizës afatmesme buxhetore 2025-2027 u mbajt sot me drejtorët e shkollave fillore dhe të mesme si dhe të institucioneve parashkollore nga territori i Komunës së Graçanicës.
Para drejtorëve të pranishëm të institucioneve arsimore dhe drejtorëve të drejtorive komunale, Sllavisha Niçiq, drejtori komunal i buxhetit dhe financave, e prezantoi projektbuxhetin për vitin e ardhshëm, si dhe projeksionin e Kornizës afatmesme buxhetore 2025-2027.
Drejtoresha e Drejtorisë Komunale për Arsim dhe Kulturë, Brankica Niqiq, theksoi se grantet qeveritare për investimet kapitale të drejtorisë që ajo menaxhon për vitin e ardhshëm janë vetëm 25.500 euro, që është një shumë shumë e vogël me të cilën komuna mund t’i mbulojë të gjitha nevojat e sistemit arsimor.
Përkundër kësaj, Niçiqi tha se komuna në bashkëpunim me drejtoritë tjera komunale, si dhe nga kodet në dispozicion, do të vazhdojë me mbështetjen teknike dhe infrastrukturore të institucioneve arsimore në territorin e Komunës së Graçanicës.
Rikonstruktimi i sallave të edukatës fizike në shkollat në Llapllasellë dhe Gushtericën e Poshtme, ndërtimi i Qendrës teknike në të cilën do të vendosen të gjitha shkollat teknike, ambientet e reja për Shkollën e inxhinierisë në Preoc, rinovimi i kulmit të shkollës në Sushicë dhe sallës së mbylur në Gushtericën e Poshtme, një depo për pelet dhe dru zjarri në Qendrën e shkollave të mesme dhe ndërtimi i kalldajës në Gushtericën e Poshtme, rindërtimi i klasave në Uglar, ndërtimi i një punishteje për Shkollën teknike, kompjuterë të rinj dhe pajisje teknike për Shkollën e ixhinierisë elektrike, inventari i ri për shkollën fillore në Graçanicë, rehabilitimi nga përmbytjet dhe parandalimi në të ardhmen për objektin e Shkollës së muzikës në Llapllasellë, klimatizimi i objektit të sapondërtuar “Gjurgjevak” janë vetëm disa nga kërkesat e shumta që u dëgjuan sot në diskutimin publik buxhetor, i cili u mbajt në sallën e Kuvendit të Komunës së Graçanicës me drejtorët e institucioneve arsimore.
