Kryetarja e Komunës së Graçanicës, prof.dr. Ljiljana Shubariq, mori pjesë në shënimin e Ditës së Shkollës Ekonomike e Tregtare “Prishtina” me seli në Llapllasellë dhe promovimin e revistës “Ekonomist”.
Shkolla Ekonimke e Tregtare ka shënuar sot 64-vjetorit e themelimit të saj. Në prani të kryetares së Komunës së Graçanicës, prof.dr. Ljiljana Shubariq, këshilltarit të kryetares Sasha Daniq dhe drejtoreshës së Drejtorisë Komunale të Arsimit, Brankica Niqiq, përfaqësuesve të institucioneve kulturore, mysafirëve, nxënësve dhe profesorëve është organizuar një aktivitet i veçantë, i përgatitur nga nxënësit me mbështetjen e profesorëve të tyre, si dhe promovimi i revistës së shkollës “Ekonomist”, hartimi i së cilës është mbështetur financiarisht nga Komuna e Graçanicës.
Drejtoresha Dragica Mitiq rikujtoi në një deklaratë për Shërbimin Komunal të Informit se Shkolla Ekonomike dhe Tregtare, e cila u themelua në vitin 1961, ka një traditë të gjatë dhe të suksesshme dhe se tani, falë investimeve të vazhdueshme, kushtet janë shumë më të mira, veçanërisht me ndërtimin e Qendrës së shkollave të mesme.
“Porosia dhe dëshira ime është që të qëndrojmë sa më gjatë të jetë e mundur dhe të vazhdojmë me atë që filluam në vitin 1961, t’i edukojmë njerëzit e rinj dhe të aftë të cilët do të ndërtojnë një botë më të mirë për ne. Kemi një numër të mjaftueshëm të nxënësve dhe besoj se me fillimin e vitit të ri shkollor do të kemi edhe më shumë”, tha Mitiq.
Për shumë vite, Komuna e Graçanicës ka mbështetur financiarisht shtypjen e revistës “Ekonomist”, numri i fundit i së cilës u promovua sot.
Kryetarja e Komunës së Graçanicës, prof. dr. Ljiljana Shubariq, i uroi nxënësit, mësuesit dhe stafin tjetër për Ditën e Shkollës dhe tha se Komuna e Graçanicës do të vazhdojë t’i mbështesë të gjitha shkollat në modernizimin e mësimdhënies së tyre.
“I uroj Shkollës Ekonomike edhe shumë vite të tjera suksesi. Ashtu siç e mbështetëm hartimin e revistës “Ekonomist”, ne, si më parë, do të vazhdojmë të investojmë në shkolla dhe t’i përmirësojmë kushtet arsimore sepse kemi fëmijë të aftë dhe të zgjuar dhe profesorë punëtorë që e meritojnë këtë”, tha Shubariq.
