Në ditën e tretë të Panairit të Turizmit në Beograd, Organizata turistike “Graçanica”, përmes këngës dhe valleve, ka prezantuar një pjesë të kulturës tradicionale serbe, e cila kultivohet në Kosovë. Vizitorët kishin mundësi unike të kënaqen me këngët dhe vallet e Shoqatës artistike – kulturore „Kriva reka” nga Berivojca, si dhe t’i dëgjojnë vargjet e vjerrshës “Na Gazimestanu” të poetit Millan Rakiq, pastaj vargjet e vjerrshës “Graçanica” të Desanka Maksimoviq dhe një numër të madh të këngëve burimore serbe të prezantuara nga nxënësit e shkollave fillore dhe të mesme nga Graçanica dhe vendeve përreth të Kosovës.
Gjithashtu, në shtandin e OTG-së, vizitorët janë kënaqur duke dëgjuar këngët kosovare të interpretuara nga kori i fëmijëve “Rastko” pranë tempullit Shën Sava nga Beogradi.
Organizata turistike “Graçanica”, në bashkëpunim me Agjencinë turistike “Kimko-turs”, ka organizuar vizitën e të gjithë personave të interesuara prej Graçanicës në Panairin e Turizmit në Beograd. Organizata turistike “Graçanica” është themeluar me iniciativë të Komunës së Graçanicës, me përkrahje financiare të dhënë nga USAID/DEMI projekti.
Shandin e OTG –së e ka vizituar edhe kryetari i Komunës së Graçanicës, Bojan Stojanoviq me bashkëpunëtorët e tij.
„Komuna e Graçanicës është e njohur se dinë të përfitoj nga çdo rast, që prej ditës së tretë në këtë Panair të Turizmit përfaqësojmë kush jemi dhe çfarë vizioni kemi. Ne do të vazhdojmë të krijojmë kushte më të mira jetese dhe ftojmë të tjerët të bashkohemi aty ku është trashëgimia jonë kulturore dhe fetare dhe burimet natyrore. Mendoj se kushdo që e ka vizituar shtandin e OTG-së ka mundur ta kuptoi se ai ishte një nga shtandet më të mira, si dhe që ai paraqet një surprizë të madhe në këtë panair në përgjithësi edhe për organizatat tjera turistike nga Serbia. Ne kemi krijuar kontakte me organizata tjera turistike, në mënyrë që në të ardhmen të fillohet me zbatimin e çdo gjëje që kjo Organizata turistike ka prezantuar në këtë panair dhe shpresoj se autobusët me turistë së shpejti do të nisen për Graçanicë ", tha kryetari Stojanoviq dhe njoftoi për bashkëpunim të vazhdueshëm me Kishën Ortodokse Serbe dhe USAID-in.
Përveç programit kulturor – artistik, në shtandin e OTG-së mikoqiri i kuzhinës tradicionale ka qenë restoranti „Мehana” nga Graçanica, i cili ka ekspozuar ushqimin e vetë tradicional për vizitorët e këtij Panairi. Përveç kësaj, disa nga vajzat kanë mbajtur veshjet e punuara me dorë nga anëtaret e Shoqatës së Grave të Biznesit “Avenija” nga Llapllasellë.
Panairi i Turizmit në Beograd ngadalë po afrohet fundit. Në shtandin e Organizatës turistike “Graçanica” është regjistruar numri më i madh i vizitorëve. Dita e tretë e Panairit, në shtandin e Organizatës turistike “Graçanica” ishte në frymën e promovimit të traditës kuturore serbe.
