Në Qendrën laboratoriko-diagnostike në Graçanicë është duke u zhvilluar aksioni i ekzaminimeve parandaluese të prostatës. Ekzaminimet i bën urologu dr. Petar Jovanoviq, ndërsa këtë ngjarje e vizitoi drejtoresha e Drejtorisë Komunale të Shëndetësisë dhe Mirëqenies Sociale, Zorica Milliq.
Komuna e Graçanicës, përmes Drejtorisë së saj të Shëndetësisë dhe Mirëqenies Sociale, sot organizon një tjetër aksion të ekzaminimeve parandaluese në Qendrën diagnostike. Fjala është për ekzaminimet parandaluese të prostatës që i kryen urologu dr. Petar Jovanoviq dhe të gjithë të interesuarit kanë mundësi ta kryejnë analizën e tumor markerit të prostatës (PSA) përveç ekografisë plotësisht falas.
Sot këtë aksion e ka vizituar drejtoresha e Drejtorisë Komunale të Shëndetësisë, Zorica Milliq. Ajo tha se Qendra diagnostiko-laboratorike në Graçanicë çdo ditë është në shërbim të të gjithë qytetarëve dhe se drejtoria që ajo e menaxhon i vlerëson veprime të tilla të ekzaminimeve parandaluese si jashtëzakonisht të rëndësishme.
“Në bashkëpunim me specialistë të fushave të ndryshme të veprimit, do të vazhdojmë me ekzaminime parandaluese edhe në të ardhmen. Ato kanë një rëndësi të pamatshme për të gjithë qytetarët tanë dhe shoh që edhe reagimi është shumë i mirë. Investimi në kujdesin shëndetësor parandalues është një nga faktorët më të rëndësishëm në shëndetin e qytetarëve. E udhëhequr nga kjo, Qendra diagnostike në Graçanicë vazhdon të punojë me kapacitet të plotë”, tha Milliq.
Dr Petar Jovanoviq, specialist i urologjisë, në një prononcim për Shërbimin Komunal të Informimit tha se marketi i tumorit PSA është i domosdoshëm gjatë diagnostikimit të kancerit të prostatës dhe se përmes kësaj analize sëmundja mund të zbulohet në fazën më të hershme, e cila është e një rëndësie kyçe për trajtim.
“Kjo është një gjë globale dhe evropiane në qytetin tonë të vogël. Ky është një kontroll i zakonshëm për gati 30 vjet në botë. Të gjithë meshkujt mbi 45 vjeç duhet ta bëjnë markerin e tumorit të prostatës një herë në vit, edhe kur nuk kanë probleme. Është e kuptueshme që edhe në momentin kur nuk ndjeni ndonjë problem me urinimin apo me funksionet e tjera trupore, të paraqiteni për kontroll me qëllim të zbulimit të hershëm të kancerit, i cili është shumë i zakonshëm dhe shumë serioz dhe që merr një numër të madhë të jetëve çdo vit”, tha dr. Jovanoviq.
Ai apelon tek të gjithë qytetarët që të drejtohen me kohë te mjeku sepse kur shfaqen simptomat shpeshherë është vonë për trajtim adekuat dhe të suksesshëm të kancerit të prostatës.
“Përveç vështirësisë në urinim, simptomat më të shpeshta janë prania e gjakut në urinë, dhimbje në pjesë të ndryshme të trupit, dhimbje në kocka dhe kyçe, e cila te pacientët e moshuar shpesh shoqërohet me dhimbje reumatizmale dhe mund të nënkuptojë edhe metastaza të kancerit të prostatës. Ky është vetëm një shembull i situatave ekstreme. Kuptohet që të mos presim që të shfaqen simptomat, por rregullisht duhet të bëhen ekzaminimet parandaluese”, theksoi dr. Petar Jovanoviq.
Aksioni i ekzaminimeve parandaluese të prostatës në Qendrën laboratoriko-diagnostike në Graçanicë do të kryhet sot derisa ka pacientë të interesuar.
