Në Graçanicë sot janë shënuar dy dekada nga vrasja e shtatëmbëdhjetë vjeçarit Dimitrije Popoviq. Në përkujtimoren në varrezat, kapelën përkujtimore në qendër të Graçanicës, si dhe në akademinë në Shtëpinë e lkulturës, mori pjesë kryetarja e komunës së Graçanicës, prof. dr. Ljiljana Shubariq.
Përkujtimorja u mbajt në varrezat e Graçanicës, ndërsa më pas u organizua tubimi para kapelës përkujtimore në qendër të Graçanicës, ku familjarët, miqtë, qytetarët dhe përfaqësuesit e institucioneve ndezën qirinj dhe vendosën lule.
Tubimin para kapelës në qendër të Graçanicës e organizoi “Bashkësia Kulturore Arsimore e Kosovës dhe Metohisë”, ndërsa kryetari i kësaj organizate, poeti Ratko Popoviq, tha se Dimitrije ka mbetur dëshmitar i së keqes edhe më parë dhe pas vrasjes së tij.
Për vrasjen e Dimitrijit para kapelës në qendër të Graçanicës ka folur edhe shkrimtari Zhivojin Rakoçeviq.
“Dimitrije u bë, së bashku me këtë kapelë, një simbol i vërtetë i këtij momenti, kësaj kohe, jetës sonë dhe jetave tona. Ai me të vërtetë tronditi atë që quhet intimiteti i familjeve tona. Dimitrije u shndërrua në shenjtëri, në kuptim, në mbijetesë”, tha Rakoçeviq.
Më pas në Shtëpinë e kulturës u hap ekspozita dhe u mbajt akademia përkujtimore të kushtuar Dimitrije Popoviqit. Në akademinë përkujtimore morën pjesë kryetarja e komunës së Graçanicës, prof. dr. Ljiljana Shubariq, mysafirët nga Kraljeva dhe Berane, përfaqësuesit e Zyrës për Kosovë dhe Metohi si dhe përfaqësuesit e Listës Serbe.
Në akademinë përkujtimore foli peshkopi i Rashkës e Prizrenit Teodosije, ndërsa të pranishmëve iu drejtuan vëllai i të vrarit Dimitrije, Srgjan Popoviq, si dhe ndihmësdrejtoresha e Zyrës për Kosovë dhe Metohi, Millena Parlliq.
Për nder të Dimitrijit u organizua një program adekuat në kuadër të akademisë.
Nga ora 18:00 do të mbahet finalja e turneut përkujtimor “Të luajmë për të ardhmen, ta kujtojmë Dimitrijin”.
