Në 24 orët e fundit në territorin e komunës së Graçanicës, testimi konfirmoi infeksionin me Covid-19 në dy pacientë të tjerë.
Siç u njoftua nga Shtabi i Krizave, 20 pacientë janë të shtruar në spital.
Edhe pse situata epidemiologjike është më e favorshme në krahasim me periudhën e mëparshme, Shtabi i Krizave i Komunës së Graçanicës vazhdon t’u bëjë thirrje banorëve që t’i përmbahen rreptësisht masave të parapara dhe t’i zvogëlojnë aktivitetet e tyre shoqërore në minimum.
“Situata me Covid-19 është disi më e favorshme, por virusi është akoma i pranishëm në popullatë dhe është e nevojshme që të gjithë të vazhdojmë t’i përmbahemi këshillave dhe rekomandimeve të mjekëve, i cili kryesisht i referohet detyrimit të mbajtjes së maskave mbrojtëse, ruajtjes së distancës, ndalimit të tubimeve dhe shmangies së çdo aktivitet shoqëror”.
Që nga fillimi i epidemisë në territorin e komunës së Graçanicës, 365 njerëz janë sëmurë me Covid-19.
Drejtoria e Inspekcionit të Komunës së Graçanicës, në bashkëpunim me policinë, kontrollon situatën në terren dhe zbatimin e masave të rekomanduara.
