Si pjesë e diskutimeve publike për planifikimin e buxhetit të Komunës së Graçanicës për vitin 2027, banorët e Llapllaselës, Preocit, Çagllavicës, Kishnicës dhe Sushicës i kanë paraqitur propozimet dhe prioritetet e tyre që i konsiderojnë të rëndësishme për zhvillimin e komuniteteve të tyre.
Sugjerimet e qytetarëve të këtyre vendbanimeve u dëgjuan nga drejtorët e drejtoritë komunale dhe anëtarët e Grupit punues për hartimin e buxhetit. Ata u kujtuan qytetarëve se buxheti i Komunës së Graçanicës, i cili për vitin 2027 arrin në 13 milionë e 150 mijë euro, do të shpenzohet në tre kategori themelore ekonomike: paga dhe mëditje, shpenzime operative dhe shpenzime kapitale. Rreth pesë milionë euro janë ndarë për shpenzime kapitale.
Shqetësimi dhe prioriteti më i lartë për banorët e Llapllaselës mbetet ende rregullimi i ndotjes së lumit Graçanka përmes këtij fshati, i cili, siç thanë ata, është prioriteti i të gjitha prioriteteve. Përveç kësaj, për banorët e Llapllasellës, Preocit dhe Çagllavicës, është e nevojshme të investohen mjetet shtesë në infrastrukturën rrugore, rrjetin e kanalizimit, ndriçimin publik. Ata gjithashtu theksuan problemin e kamionëve mbi 10 t që kalojnë nëpër Preoc, të cilët e dëmtojnë më tej infrastrukturën rrugore dhe kërkuan shtim të punës në mirëmbajtjen e hapësirave publike dhe largimin e deponive ilegale.
Për banorët e kombësisë shqiptare nga Kishnica dhe Sushica, rregullimi i rrjetit të kanalizimit, trotuareve, policëve të shtrirë, ndriçimit rrugor në vende të caktuara dhe rregullimi i stacionit të autobusëve janë të rëndësishme për përmirësimin e jetës së përditshme të banorëve të këtyre vendbanimeve.
Ata gjithashtu kërkuan nga Komuna e Graçanicës rinovimin e fushës sportive në Sushicë dhe sallës sportive në shkollën në Kishnicë në planin buxhetor të vitit 2027.
Diskutimi i fundit publik me qytetarët për planifikimin e buxhetit të vitit 2027 do të mbahet sot në orën 17:00 në Shtëpinë e kulturës në Graçanicë për banorët e Graçanicës, Badovcit të ri, Sushicës dhe Kishnicës.
