Lajmin që një pjesë e borxhit është shlyer dhe që banorët e vendbanimit të kontejnerëve në Graçanicë e kanë marrë energjinë elektrike për Shërbimin e informimit të Komunës së Graçanicës e ka konfirmuar Tomica Miciq, zyrtar i Komunës së Prishtinës i cili është përgjegjës për këtë çështje.
„ Energjia elektrike është dashur të lëshohet dje, por për shkak të disa problemeve të vogla teknike e gjithë gjëja është shtyrë për sot. Energjia elektrike është kyçur në orët e pasditës, ushqimi është shpërndarë në kohë kështu që banorët e vendbanimit të kontejnerëve e kanë ndërprerë grevën e urisë”, tha Miciq.
Ai theksoi se Komisariati për personat e zhvendosur kujdeset për shpenzimet e të gjitha 17 familjeve përfituese, ndërsa për të tjerit që bien në kategorinë e familjeve të rrezikuara sociale duhet të kujdeset Qendra për punë sociale..
Familjeve të zhvendosura dhe atyre refugjatësh në vendbanimin e kontejnerëve sot pas gati një muaji u është kyçur energjia elektrike. Ministria për Komunitete dhe Kthim në Qeverinë e Kosovës ka paguar një pjesë të borxhit ndaj KEDS – it me kërkesë të Komunës së Graçanicës.
