Me rastin e festave të fundvitit, Komuna e Graçanicaës ka ofruar ndihmë humanitare për familjet e rrezikuara sociale. Përfaqësuesit komunal ia dorëzuan familjes Rashiq nga Dobratini dhe familjes Arsiq nga Graçanica pakot ushqimore dhe higjienike, si dhe nga dy metra drunj për ngrohje.
Milleva Rashiq, nënë vetëushqyese, jeton në një shtëpi të rrënuar në periferi të fshatit me dy djemtë dhe çdo lloj i ndihmës së ofruar është e mirëseardhur.
Ljubinko Arsiq nga Graçanica jeton në një shtëpi të vogël me gruan e tij, vajzën dhe djalin me të ardhurat minimale. Ai shprehu mirënjohjen e tij për ndihmën.
Nënkryetari i Komunës së Graçanicës, Igor Aritonoviq, vizitoi familjet, të cilave ua uroi festat e fundvitit dhe rikujtoi se Komuna e Graçanicës do të vazhdojë t’ju dalë në ndihmë aq sa është e mundur për të gjithë ata që kanë nevojë për ndihmë.
Drejtori i Departamentit të Shëndetësisë dhe Mirëqenies Sociale, Bojan Todoroviq, u uroi pjesëtarëve të këtyre familjeve festat e fundvitit.
"Do ta shfrytëzoj rastin t΄ju uroj festat e fundvitit. Ju dëshiroj shëndet të mirë, mbi të gjitha, ndërsa për të gjitha tjerat duhet të përpiqemi vetë që t΄i arrijmë . Qendra për Punë Sociale në Llapllasellë, gjatë gjithë vitit, ka ndërmarrë masa dhe ka organizuar aksione për të ndihmuar përdoruesit e saj. Duhet ta dini se ju keni mbështetjen tonë ", tha Todoroviq.
Përfaqësuesit e Komunës së Graçanicës kanë ndarë ndihmë humanitare familjes Rashiq nga Dobratini dhe familjes Arsiq nga Graçanica.
