Me ftesë të Organizatës Turistike “Kragujevac” dhe nën organizimin e Organizatës Turistike “Graçanica” dhe Komunës së Graçanicës, grupi i fëmijëve nga Graçanica edhe këtë vit do të marrin pjesë në karnavalin e Shën Gjergjit në qytetin e lartëpërmendur, i cili mbahet me 6 maj, me rastin e festës së qytetit të Kragujevcit.
Parada e karnavalit, në të cilën do të marrin pjesë edhe fëmijët nga Graçanica, do të nisen rreth orës 11 duke kaluar nëpër rrugët kryesore të qytetit në Kragujevc. Pas paradës, e cila do zgjas rreth 1 orë, do të organizohet edhe një program njëorësh në skenën tek Kryqi i qendrës së Kragujevcit.
Organizata Turistike e qytetit Kragujevc, në kuadër të këtij manifestimi, do të organizojë një program argëtues, si përmbajtjetë tjera për fëmijë të moshës parashkollore dhe shkollore. Ky do të jetë rasti ku pjesëmarrësit e karnavalit do tregojnë kreativitetin e tyre dhe aftësinë për përgatitjen e maskave, për vallëzim si dhe lojrave dhe këngëve tradicionale.
Gjatë karnavalit do të përzgjedhen maskat më të bukura, ndërsa për fituesit janë siguruar shpërblime të vlefshme.
Fëmijët nga Graçanica do të nisen për rrugë në Kragujevc një ditë përpara, me 5 maj, të shoqëruar nga dy mësues dhe një punëtor i Organizatës Turistike “Graçanica”. Transporti i fëmijëve deri në Kragujevc dhe kthimi i tyre për Graçanicë është siguruar nga Komuna e Graçanicës, ndërsa akomodimi dhe ushqimi ësthë siguruar nga Organizata Turistike “Graçanica”.
Pjesëmarrja në karnavalin e Shën Gjergjit në Kragujevc është vazhdimi i suksesshëm i bashkëpunimit në mes të Organizatës Turistike “Graçanica” dhe me atë të “Kragujevcit”, pasi që fëmija nga Graçanica kanë marrë pjesë edhe vitin e kaluar në këtë manifestim.
15 fëmijë të klasës së katërt të shkollës fillore “Mbreti Millutin” nga Graçanica do të udhëtojnë me 5 maj në karnavalin e Shën Gjergjit për fëmijë, i cili tradicionalisht mbahet në Kragujevc.
