Një delegacion nga Komuna e Graçanicës mori pjesë dje në Festivalin e tretë të teatrit për fëmijë në Kormnjanin e Poshtëm, ku performuan edhe fëmijët nga komuna jonë.
Këshilltari i kryetares së komunës, Sasha Daniq, drejtoresha e Drejtorisë Komunale të Arsimit dhe Kulturës, Brankica Niqiq dhe drejtoresha e Drejtorisë së Shëndetësisë dhe Mirëqenies Sociale, Zorica Milliq morën pjesë, midis dhjetëra vizitorëve, në Festivalin e Teatrit për fëmijë, ku performuan fëmijët nga dy shkolla në Komunën e Graçanicës, përkatësisht nga Shkolla fillore: Ugljare nga Uglari dhe Shkolla fillore: “Braqa Aksiq” nga Lipjani.
“Jemi të lumtur që kemi qenë pjesë e këtij manifestimi të rëndësishëm për fëmijët. Jemi krenarë për fëmijët tanë që edhe një herë kanë treguar talentin e tyre. Komuna e Graçanicës do t’i mbështesë dhe do të mbështetet gjithmonë tek fëmijët tanë në afirmimin e edukimit të tyre dhe zgjerimin e horizontit të tyre, veçanërisht kur bëhet fjalë për festivale si ky, të cilat, përveçse janë edukative, kanë edhe karakter shoqëror sepse janë krijuar njohje të reja”, tha Brankica Niqiq, drejtoreshë e Drejtorisë Komunale të Arsimit dhe Kulturës. Fëmijët nga Uglari performuan me shfaqjen “Fytyrë e dyshimtë” nga Branisllav Nushiq, ndërsa fëmijët nga Lipjani prezantuan shfaqjen “Pylli nënkupton jetë” nga Toda Nikolletiq.
