Rreth 40 fermerë nga territori i Komunës së Graçanicës e vizituan Panairin e 92-të të Bujqësisë në Novi Sad, falë organizimit të Drejtorisë së Bujqësisë të Komunës së Graçanicës dhe Kooperativës bujqësore “Graçanica”.
Edhe këtë herë, ashtu si në vitin e kaluar, panairin e vizituan edhe gratë sipërmarrëse të mbledhura rreth Shoqatës së grave sipërmarrëse.
Drejtori i Drejtorisë Komunale të Bujqësisë dhe Pylltarisë, Bogiq Gjuroviq, tha se ata patën mundësinë t’i shihnin inovacionet në bujqësi, risitë në zbatimin e masave agroteknike, ta shikonin mekanizimin modern dhe, mbi të gjitha, t’i shkëmbenin njohuritë dhe përvojat.
“Ndër të tjera, ne e vizituam dhe ishim mysafirë të Institutit për Kultivimin e Fushave dhe Perimeve dhe i ndoqëm ligjeratat e tyre. Janë krijuar kontakte dhe bashkëpunim që do të jenë shumë të rëndësishme për ne”, tha Gjuroviq për Shërbimin Komunal të Informimit.
Panairi Ndërkombëtar i Bujqësisë është ngjarja më e madhe e panaireve në Serbi dhe një nga më të mëdhatë në Evropë në fushën e bujqësisë. Ai bashkon kompanitë më të rëndësishme në agroindustri, prodhim bujqësor, mekanizim, si dhe më të mirat në mbarështimin e bagëtive.
