Një numër i madh i fëmijëve të moshës shkollore ishin të pranishëm në ditën e dytë të Festivalit të sporteve dhe lojërave “Luani, vallëzoni dhe rriteni së bashku” në Kompleksin sportiv në Graçanicë.
Edhe sot ata patën mundësinë t’i provojnë sportet ekipore dhe individuale që ofrohen në territorin e Komunës së Graçanicës. Kontributin e tij e dha edhe Ansambli i valleve popullore “Venac”, anëtarët e të cilit u treguan dhe u mësuan fëmijëve të interesuar hapat bazë të folklorit.
Organizatorët janë Komuna e Graçanicës dhe Organizata turistike e Graçanicës, ku sipas tyre, Festivali i sporteve i ka përmbushur qëllimet dhe pritjet e tyre, sepse fëmijët patën mundësinë të luanin dhe të shoqëroheshin përmes përvojave të ndryshme sportive.
Festivali dhe fëmijët u vizituan sot edhe nga kryetarja e Komunës së Graçanicës, prof. dr. Ljiljana Shubariq, e shoqëruar nga bashkëpunëtorët e saj, drejtori i Rinisë dhe Sportit, Strahinja Aritonoviq dhe drejtoresha e OTG-së, Sandra Gjokiq.
U përsërit edhe një herë se qeverisja lokale bën gjithçka që mundet për ta nxitur dhe promovuar përmbajtjen kulturore, sportive dhe argëtuese për të gjitha brezat.
Festivali i sporteve dhe lojërave u ndoq nga rreth një mijë fëmijë në moshë shkollore gjatë këtyre dy ditëve.
