Drejtori i Drejtorisë komunale të Shëndetësisë dhe Mirëqenies Sociale, Aleksandar Popoviq, deklaroi se qëllimi i aksionit është që të ndihmojë spitalin në Graçanicë në mbledhjen e njësive të gjakut që janë të nevojshme për funksionimin normal të Repartit të transfuzionit në Graçanicë. Ai përsëriti se problemi më i madh ende mbetet mungesa e reagentëve, qeseve dhe testeve për ekzaminimin e gjakut.
Në mesin e punëtorëve të komunës, i cili u përgjigj aksionit ishte dhe menaxhmenti i komunës. Në mesin e tyre ishte edhe kryetari Vladeta Kostiq.
“Ne të gjithë duhet të japim një kontribut kur bëhet fjalë për të ndihmuar të tjerët, pavarësisht nga përkatësia etnike apo fetare. Kjo është një mënyrë për të bërë atë", tha Kostiq.
Kryesuesja e KK të Graçanicës, Brankica Kostiq, e cila që nga vitit 2000 rregullisht iu është përgjigjur të gjitha aksioneve të dhurimit vullnetar të gjakut, tha se ky është një nga gjestet më humane që një njeri mund ta japë.
„Me këtë shembull ne e përmbushim parimin e njerëzimit. Të gjithë jemi të njëjtë kur bëhet fjalë për sëmundje. Kjo është kryesisht një mbështese për Qendrën tonë klinike, në mënyrë që ajo me sa më pak pengesë ta kryen punën e saj", tha Kostiq.
Në aksion të organizuar nga Drejtoria komunale e Shëndetësisë dhe Mirëqenies Sociale janë mbledhur 18 njësi të gjakut.
Në sallën e KK të Graçanicës sot, në kuadër të shënimit të Ditës së Komunës së Graçanicës u organizua aksioni i dhurimit vullnetar të gjakut.
