Kryetarja e Komunës së Graçanicës, prof. dr. Ljiljana Shubariq, sot në përvjetorin e fillimit të bombardimeve të NATO-s, vendosi kurorë lulesh në memorialin e viktimave.
Përvjetori i fillimit të bombardimeve të NATO-s në Republikën Federale të atëhershme të Jugosllavisë u shënua me përkujtimor dhe vendosjen e kurorave lulesh pranë kryqit të ngritur për serbët që humbën jetën nga bombardimet e NATO-s në oborrin e Shtëpisë së kulturës në Graçanicë.
Kryetarja e Komunës së Graçanicës, prof.dr. Ljiljana Shubariq, me bashkëpunëtorët e saj, mori pjesë në përkujtimorin e shërbyer nga priftërinjtë e Dioqezës së Rashkës e Prizrenit.
Të pranishëm ishin edhe asamblistët e Kuvendit të Komunës së Graçanicës, së bashku me kryesuesin Millan Dimitrijeviq, si dhe përfaqësues të Zyrës për Kosovë e Metohi, përfaqësues të shumtë politikë dhe qytetarë.
Fillimi i bombardimeve u rikujtua për të mbledhurit nga sirenat dhe tingujt e bombave dhe të shtënat e armëve të dëgjuara nga altoparlantët, si dhe u mbajt një lexim poezie.
Ngjarja u organizua nga Dioqeza e Rashkës e Prizrenit, Bashkësia Kulturore Arsimore e Kosovës dhe Metohisë dhe Shtëpia e kulturës së Graçanicës.
