“Absolutisht i konsiderojmë të papranueshme hyrjet në organizatat e ndryshme në çfarëdo objekti, hapësire dhe institucioni, ku janë duke punuar njerëzit punëtorë, të ndërshëm dhe familjar “, thuhet në njoftimin e kryetarit të Komunës së Graçanicës, Vladeta Kostiq.
Kostiq thekson se në këto objekte nuk punojnë kriminelët, por njerëzit që në këto kohë të vështira përpiqen për të mbijetuar në Kosovë.
“Iu bëj thirrje të gjithëve që t’i zgjidhim problemet me mirëkuptim dhe duke arritur një bashkëpunim nëpërmjet institucioneve, ndërsa jo përmes ndërhyrjeve të ndryshme të cilat tek qytetarët shkaktojnë pasiguri dhe frikë”, tha kryetari i Komunës së Graçanicës.
Mediat serbe në Graçanicë kanë transmetuar se inspektorët e Bankës Qendrore të Kosovës sot në mëngjes, të shoqëruar nga Policia e Kosovës, kanë hyrë në ndërtesën e Jugobankës në Graçanicë dhe morën me vete një pjesë të dokumentacionit dhe pajisjeve.
Komuna e Graçanicës, në krye me kryetarin Vladeta Kostiq, e dënon hyrjen në hapësirën e organizatës e cila funksionon në Graçanicë.
