Fëmijët e Institucionit parashkollor “Gjurgjevak” nga Graçanica dhe të paralelës së ndarë në Llapllasellë, Çagllavicë dhe Preoc, sot festuan Ditën e institucionit të tyre arsimor me këngë dhe valle para një salle të mbushur plot e përplot të Shtëpisë së kulturës. Në këtë aktivitet morën pjesë kryetarja e Komunës së Graçanicës, prof.dr. Ljiljana Shubariq, së bashku me përfaqësuesit e tjerë të qeverisjes lokale.
Sot në skenën e Shtëpisë së kulturës në Graçanicë, me vallëzim, këngë dhe recitim, më shumë se një duzinë fëmijësh janë prezantuar dhe janë përkulë para publikut të madhë. Shfaqjet u plotësuan me veshje popullore, kostume shumëngjyrëshe dhe rekuizita të ndryshme që shkëlqenin mbi të vegjëlit tanë dhe i dhanë jetë performancës së tyre skenike.
Me ngjarjen nën slloganin “Në frymën e traditës – Serbisë si dhuratë” është shënuar datëlindja e 73-të e Institucionit parashkollor “Gjurgjevak”, ku morën pjesë, përveç banorëve dhe prindërve të shumtë, edhe kryetarja e Komunës së Graçanicës, prof.dr. Ljiljana Shubariq, si dhe udhëheqja e Komunës së Graçanicës.
Kryetarja Shubariq ua uroi administratës, edukatorëve dhe të gjithë punëtorëve në Gjurgjevak punë të suksesshme, ndërsa fëmijëve një fëmijëri të lumtur dhe pa shqetësime.
“Fëmijët kanë qenë dhe mbeten zbukurimi më i bukur i komunës sonë dhe kjo është një mundësi për t’i uruar para së gjithash fëmijët tanë që qëndrojnë në këtë institucion edukativ për festën, si dhe punonjësit e IP “Gjurgjevak”. Fëmijët përparojnë dhe rriten më së miri në një mjedis ku ndihen të respektuar e të motivuar dhe shpresojmë që së bashku të gjithë do të bëjmë gjithçka në të ardhmen për të kontribuar në përmirësimin e një atmosfere të tillë dhe krijimin e kushteve edhe më të mira për rritjen e tyre. Urojmë që çdo ditë e juaja, si kjo, të jetë e mbushur me këngë dhe valle”, tha kryetarja Shubariq në mesazhin e saj të urimit.
