Kryetarja e Komunës së Graçanicës, prof.dr. Ljiljana Shubariq, ua dorëzoi çantat dhe pajisjet shkollore për vitin e ardhshëm shkollor fëmijëve, prindërit e të cilëve janë të punësuar në NPK “Ekologjia”. Janë siguruar gjithsej 200 çanta shpine me pajisje shkollore, ndërsa në ditët në vijim do t‘u shpërndahen edhe familjeve në gjendje më të dobët financiare.
Çantat shpine me pajisje shkollore janë siguruar nga Komuna e Graçanicës përmes projektit të zbatuar nga OJQ “Hapi drejt një të ardhme më të mirë” në bashkëpunim me OJQ “Iniciativa rinore e Graçanicës”.
Do të shpërndahen gjithsej 200 çanta shpine me pajisje të kompletuara shkollore (fletore, lapsa, prerëse lapsash, vizore…), kurse 18 kompletet e para i ka shpërndarë kryetarja e Komunës së Graçanicës, prof. dr. Ljiljana Shubariq, sot në sallën e Kuvendit të komunës për fëmijët, prindërit e të cilëve janë të punësuar në NPK “Ekologjia”.
“Ne menduam se si mund t’i ndihmojmë akoma punëtorët e “Ekologjisë” dhe vendosëm t’i sigurojmë dhe t’i shpërndajmë çantat shpine dhe pajisjet shkollore për fëmijët e tyre, në mënyrë që ta kursejmë buxhetin e tyre dhe t’ua mundësojmë fëmijëve të jenë gati për fillimin e vitit të ri shkollor. Sot ua kemi shpërndarë atyre, ndërsa në ditët në vijim do t’i marrin edhe fëmijët e familjeve me kushte më të dobëta financiare”, tha Shubariq.
Ajo shtoi se komuna do të vazhdojë t’i ndihmojë familjet e pafavorizuara sociale përmes projekteve të tjera, si dhe këtë vit do të shpërblehen edhe pako me ushqime dhe higjienë, dru zjarri dhe soba.
“Kjo është një ndihmë modeste, por edhe dëshmi se ne duam të ndihmojmë dhe se siç mendojmë për punëtorët e “Ekologjisë”, ashtu mendojmë edhe për të gjithë bashkëqytetarët tanë”, tha kryetarja Shubariq.
Zorica Marinkoviq, shefja e financave në atë ndërmarrje publike, falënderoi për dhuratat në emër të të gjithë punëtorëve të NPK “Ekologjia”.
“Ky është një gjest i bukur dhe do të kontribuojë që prindërit të kenë të paktën një shqetësim më pak, sepse ne të gjithë e dimë se sa i rëndë është shtatori për të gjitha buxhetet, pavarësisht se cila është gjendja financiare e njerëzve”, tha Marinkoviq.
