Komuna e Graçanicës vazhdon të investojë në përmirësimin e infrastrukturës komunale, e cila është një nga prioritetet kryesore të qeverisjes lokale.
Si pjesë e kontratës afatgjatë “Rikonstruktimi i rrjetit të kanalizimit dhe furnizimit me ujë në Komunën e Graçanicës”, po punohet për ndërtimin e një rrjeti të ri të kanalizimit me një gjatësi totale prej rreth 700 m. Punimet po kryhen në rrugët “Dragosllav Srejoviq”, “Millutin Millankoviq” dhe “Beogradska”.
Me realizimin e këtij projekti do të përmirësohen ndjeshëm kushtet e jetesës së banorëve, do të sigurohet një infrastrukturë më e mirë sanitare dhe do të kontribuohet në mbrojtjen e mjedisit.
Punimet po zbatohen përmes Drejtorisë së Shërbimeve Publike, ndërsa drejtori Goran Milliq theksoi se Komuna do të vazhdojë të investojë në projekte infrastrukturore në periudhën e ardhshme, me qëllim të zhvillimit të barabartë të të gjitha pjesëve të komunës dhe përmirësimit të cilësisë së jetës së qytetarëve.
