“Çdo familje që vullnetarisht largohet nga banesa, në të cilën ajo nuk mund të realizojë të drejtën e përdorimit, e hap një mundësi që Komuna e Graçanicës t’ju dalë në ndihmë, duke i akomoduar nëpër banesa. Mosrespektimi i ligjit, kundërshtimi i vendimeve të komunës, e cila me këtë veprim mbron pronën e saj, nuk do të tolerohet”, tha për Shërbimin e informimit të Komunës së Graçanicës Dejan Jovanoviq.
Më shumë se 50% të familjeve i kanë respektuar afatet ligjore dhe i kanë braktisur banesat të cilat i kanë zënë në mënyrë të paligjshme. Në mënyrë që banimi në territorin e Komunës së Graçanicës të vihet brenda kornizave ligjore, Departamenti komunal i Urbanizmit, gjergjësisht Sektori për banim mori pjesë në shpërnguljen e detyrueshme edhe tetë familjeve të cilat nuk e realizojnë të drejtën për përdorimin e pronës komunale.
Aksioni i shpërnguljes së detyrueshme, i cili do të zgjasë deri të premtën, do të vazhdojë nesër në Llapnasellë, ku është paraparë shpërngulja e tri familjeve. Megjithatë, sipas fjalëve të Jovanoviqit, dy familje kanë paralajmëruar se do të largohen vullnetarisht.
„Në mesin e të ashtuquajtuarëve uzurpatorë ka edhe familje të rrezikuara sociale, shumica e të cilëve kanë arritur një kompromis me udhëheqjen komunale që të largohen vullnetarisht nga banesat, në mënyrë që komisioni për ndarjen e banesave, i formuar pas shpalljes së konkursit, të dalë në terren dhe ta kryejë vlerësimin se ata ligjerisht dhe në mënyrë legjitime e realizojnë të drejtën për banesë, të cilat janë në pronësi të Komunës së Graçanicës“, paralajmëroi Jovanoviq dhe shtoi se askush nuk do të jetë në gjendje për të uzurpuar në mënyrë të paligjshme pronën komunale.
Drejtori i Departamentit komunal të Urbanizmit tha se situatën e kanë përkeqësuar më tej individët të cilët me shantazh dhe presione shtesë i kanë bindur të tjerit që t’i mos i braktisin banesat komunale dhe të mos bëjnë kompromise me komunën.
„Ne jemi këtu për të ndihmuar të gjithë. Së shpejti do të ndahen 13 banesa për familjet të cilat e realizojnë të drejtën për përdorimin e tyre. Me buxhetin e komunës për vitin e ardhshëm është paraparë ndarja e materialit ndërtimor dhe ndihma lidhur me ndërtimin e shtëpive për familjet e rrezikuara sociale dhe për personat e zhvendosura brenda vendit, gjithashtu do të ndërtohen njësitë e banimit dhe ndërtesat për banim social. Problemi i përkujdesjes së animit nuk është aq i vogël për ta zgjidhur brenda natës, por ne jemi në rrugën e duhur, ku përmes kartës sociale do ta zgjidhim problemin e banorëve tanë“.
Jovanoviq edhe një herë përsëriti se bashkëpunimi i qytetarëve me komunën, kur bëhet fjalë për pronën e komunës, duhet të ekzistojë, sepse me marrëveshje do të lehtësohen problemet e banimit për ata që këtë e meritojnë. Ai ka përsëritur se uzurpimi i pronës komunale nën pretekstin e cenueshmërisë sociale, ndërsa prona familjare jepet me qira apo shitet, nuk është me vend dhe rastet e tilla nuk do të merren si një lëndë për shqyrtim lidhur me përkujdesjen e banimit nga ana e Komunës së Graçanicës.
Pas shkeljes së të gjitha afateve ligjore për shpërnguljen vullnetare nga banesat që janë në pronësi të Komunës së Graçanicës, sot në ndërtesat banesore në vendbanimin Padalishtë në Graçanicë, me asistencën e policisë dhe Shërbimin për banim të Komunës së Graçanicës, është filluar me shpërngujen e detyrueshme të familjeve uzurpuese të banesave. “Të gjitha këto që jemi duke punuar këtë javë bëhet në kuadër të kornizave ligjore, të cilat duhet të respektohen”, tha Jovanoviq.
