Fushata “Së bashku për një Graçanicë më të pastër dhe më të gjelbër” filloi sot me pastrimin e hapësirës së pushimores “Çesma” pranë Graçanicës, e cila do të zgjasë deri më 5 qershor, kur festohet Dita Botërore e Mjedisit.
Me rastin e shënimit të Ditës Botërore të Mjedisit në Komunën e Graçanicës u nënshkrua memorandumi që rregullon aktivitetet dhe planet për kremtimin e kësaj dite në territorin e Komunës së Graçanicës.
Aktiviteti mujor, i zbatuar nga Komuna e Graçanicës, Organizata Turistike e Graçanicës, NPK “Ekologjia”, OJQ-ja “Iniciativa Rinore e Graçanicës” dhe Social Inclusion Gracanica, si dhe RTV Graçanica, do të zgjasë deri më 5 qershor.
Pushimorja “Çesma”, midis Graçanicës dhe Llapllaselës, e cila u rinovua dhe u dekorua në tetor të vitit të kaluar, u shemb nga autorë të panjohur dhe inventari u shkatërrua pothuajse plotësisht. Fushata për përmirësimin e hapësirës së pushimores “Çesma”, në të cilën morën pjesë edhe drejtorë të drejtorive komunale, u zhvillua sot si aktiviteti i parë për ta shënuar të ashtuquajturin “Muaji i gjelbër”, vetëm një ditë pasi 1 Maji tradicional, Dita Ndërkombëtare e Punës, u shënua me një piknik në natyrë.
Mbeturinat u hoqën, bari u kosit dhe u vendosën stola të reja. Drejtori i Drejtorisë së Rinisë dhe Sportit, Strahinja Aritonoviq, tha se qëllimi i fushatës është ta rris ndërgjegjësimin e qytetarëve për rëndësinë e ruajtjes së mjedisit.
Dje ishte 1 Maji, një ditë që zakonisht festohet në natyrë, dhe me këtë veprim po dërgojmë një mesazh se duhet ta lëmë natyrën ashtu siç ishte para hapësirës së pushimores. Situata që gjejmë sot në terren, për fat të keq, nuk e pasqyron këtë. Ajo që i ofrojmë natyrës, ajo na e kthen neve, dhe ne duam t’i inkurajojmë të gjithë, veçanërisht të rinjtë, të jenë më të ndërgjegjshëm për natyrën, veçanërisht për asgjësimin e mbeturinave”, tha Aritonoviq.
Ai njoftoi një sërë aktivitetesh deri më 5 qershor, kur fushata “Muaji i gjelbër” përfundon zyrtarisht me festimin e Ditës Botërore të Mjedisit.
“Gjatë fushatës do të organizohen një sërë aktivitetesh, si heqja e deponive të paligjshme, rregullimi i parqeve dhe urave, mbjellja e pemëve dhe luleve, një konkurs arti për të rinjtë me temë ekologjinë, fushata promovuese dhe një xhiro me biçikleta të quajtur “Rrethi ekologjik”, si dhe organizimi i tryezave të rrumbullakëta mbi rëndësinë e ruajtjes së mjedisit”, tha drejtori i Drejtorisë së Sportit dhe Rinisë.
Organizatorët i ftojnë të gjithë qytetarët të marrin pjesë aktive në fushatë.
