Sipas vendimit të fundit për kategorizimin e komunave sipas zonave, Komuna e Graçanicës që nga mbrëmja e sotme është në zonën e gjelbër, pra në mesin e komunave me rrezik të ulët të përhapjes së virusit Covid-19. Ky vendim është në fuqi deri në miratimin e një të ri, pra deri më 15 janar.
Sipas këtij vendimi, operatorëve ekonomikë dhe qendrave tregtare u lejohet të punojnë nga ora 05:00 deri në orën 20:00 ndërsa aktivitetet hoteliere dhe gastronomike janë të ndaluara pas orës 20:00, përveç shërbimit shërbim “merr me vete” dhe “porosi me dërgesë”.
Transport publik lejohet të punojë duke shfrytëzuar deri në 50% të kapaciteteve, ndërsa taksitë lejohen të punojnë me një (1) pasagjer prapa ose deri në tre (3) nëse janë anëtarë të familjes,.
Pjesërisht, përkatësisht me shfrytëzimin e 30% të kapaciteteve lejohen aktivitetet kulturore.
Lejohen aktivitetet sportive në hapësira të mbylluara dhe të hapura, stërvitjet dhe garat në sporte individuale. Gjatë stërvitjeve mund të marrin pjesë deri në 20 persona, ndërsa gjatë garave deri në 50 persona, ndërsa puna e fitnesit është kufizuar deri në 40 të kapaciteteve.
Qytetarëve u kërkohet që t’i respektojnë masat e rekomanduara kundër Covid-19, pra ta mbajnë maskën, ta respektojnë distancën fizike dhe ta mbajnë rregullisht higjienën.
Respektimi i masave të rekomanduara do të monitorohet nga Inspekcioni komunal së bashku me policinë.
Ky vendim do të jetë i vlefshëm derisa të merret një vendim i ri, duke u bazuar në situatën javore epidemiologjike.
