Sipas vendimit të ri për kategorizimin e komunave sipas zonave, komuna e Graçanicës që nga mbrëmja e sotme është në zonën e gjelbër, pra midis komunave me rrezik të ulët të përhapjes së virusit Covid-19. Ky vendim është i vlefshëm derisa të merret një i ri në 7 ditët e ardhshme.
Sipas këtij vendimi, operatorëve ekonomikë dhe qendrave tregtare u lejohet të punojnë nga ora 05:00 deri në orën 20:00 ndërsa aktivitetet hoteliere dhe gastronomike janë të ndaluara pas orës 20:00, përveç shërbimit “merr me vete” dhe “porosi me dërgesë”.
Transporti publik lejohet të punojë duke shfrytëzuar deri në 50% të kapaciteteve, ndërsa taksitë lejohen të punojnë me një (1) pasagjer prapa ose deri në tre (3) nëse janë anëtarë të familjes.
Edhe puna e institucioneve kulturore është e lejuar deri në orën 22:00 si dhe aktivitetet sportive në hapësira të mbyllura dhe të hapura, stërvitjet dhe garat në sporte individuale me kapacitete të kufizuara.
Megjithëse, Komuna e Graçanicës është në zonën e gjelbër që nga sonte, masat anti-covid janë ende në fuqi, të cilat duhet të respektohen. Respektimi i masave të rekomanduara do të monitorohet nga Inspekcioni komunal së bashku me policinë. Dënimet janë parashikuar për mosrespektim të vendimit.
Ky vendim do të jetë i vlefshëm derisa të merret një i ri, duke u bazuar në situatën javore epidemiologjike.
