Sipas kategorizimit të fundit të komunave duke u bazuar në numrin e infeksioneve me koronavirus, komuna e Graçanicës do të jetë në zonën e verdhë në shtatë ditët e ardhshme.
Pas disa javësh në zonën e gjelbër, për shkak të situatës së pafavorshme epidemiologjike dhe numrit të rritur të njerëzve të infektuar me Covid-19, komuna e Graçanicës klasifikohet në komuna me një rrezik të mesëm të përhapjes së virusit, përkatësisht është në zonën e verdhë.
Pavarësisht nga kategorizimi i ri, masat për mbrojtjen nga pandemia janë pothuajse të njëjtat si në zonën e gjelbër.
Sipas këtij vendimi, objekteve tregtare dhe gastronomike si dhe hoteleve u lejohet të punojnë nga ora 05:00 deri në orën 22:00, me mundësinë e shërbimit “merr me vete” edhe pas kësaj kohe.
Transporti publik lejohet të punojë duke shfrytëzuar deri në 50% të kapaciteteve, ndërsa taksitë lejohen të punojnë me një (1) pasagjer prapa ose deri në tre (3) nëse janë anëtarë të familjes,.
Të gjithë institucionet publike dhe private këshillohen ta zvogëlojnë numrin e punonjësve duke u bazuar në specifikat e tyre dhe “Manualin për Mbrojtjen nga Përhapja e Covid-19”.
Është ende në fuqi vendimi me të cilin qytetarëve më të vjetër se 65 vjeç lejohet lëvizja vetëm nga ora 06:00 deri në orën 10:00 dhe nga ora 16:00 deri në orën 19:00.
Puna e institucioneve kulturore është zgjatur gjithashtu deri në orën 22:00, me detyrimin për të punuar deri në 40 përqind të kapacitetit.
Lejohen aktivitetet sportive në hapësira të mbylluara dhe të hapura, stërvitjet dhe garat në sporte individuale. Gjatë stërvitjeve mund të marrin pjesë deri në 20 persona, ndërsa gjatë garave deri në 50 persona, ndërsa puna e fitnesit është kufizuar deri në 40 të kapaciteteve.
Respektimi i masave të rekomanduara do të monitorohet nga Inspekcioni komunal së bashku me policinë. Dënimet janë parashikuar për mosrespektim të vendimit.
Ky vendim do të jetë i vlefshëm derisa të merret një vendim i ri, duke u bazuar në situatën javore epidemiologjike.
