Komuna e Graçanicës dhe OJQ “Organizata për personat me aftësi të kufizuara” kanë nënshkruar marrëveshje me të cilën parashihet furnizimi me automjet të specializuar për nevojat e personave me aftësi të kufizuara.
Marrëveshja mbi bashkëfinancimin e projektit “Furnizimi me automjet të përshtatur për transportin e personave me aftësi të kufizuara” është nënshkruar nga kryetarja e Komunës së Graçanicës, prof. dr. Ljiljana Shubariq dhe drejtori i OJQ-së “Organizata për personat me aftësi të kufizuara”, Dragan Josifoviq.
Me furnzimin e automjetit të specializuar do të përmirësohet lëvizshmëria dhe cilësia e jetës së personave me aftësi të kufizuara. Sipas marrëveshjes, automjeti do të blihet deri në fund të vitit fiskal.
Kryetarja Shubariq theksoi se Komuna e Graçanicës po bën përpjekje për të ofruar mbështetje për të gjitha kategoritë e popullsisë, duke përfshirë edhe personat me aftësi të kufizuara.
“Furnizimi me automjet të specializuar do t’u mundësojë personave me aftësi të kufizuara një qasje më të lehtë në institucione, objekte shëndetësore dhe aktivitete të përditshme”, theksoi kryetarja Shubariq.
Drejtori i organizatës, Dragan Josifoviq, e falënderoi Komunën e Graçanicës për mbështjen dhe mirëkuptimin e saj, duke shtuar se automjeti do ta lehtësojë dukshëm transportin e anëtarëve të saj.
