Komuna e Graçanicës siguroi transport për rreth 50 të rinj nga Graçanica, Pllemetina dhe Gorazhdeci për të shkuar në ngjarjen “Tesla Global Forum”. Ata mbrëmë kanë udhëtuar për në Novi Sad.
“Tesla Global Forum”, një manifestim multimedial kushtuar popullarizimit të shkencës, arsimit dhe kulturës, i cili tashmë tradicionalisht organizohet në Novi Sad, këtë vit do të mbledhë rreth dyqind fëmijë, e në mesin e tyre do të jenë edhe të rinj nga Graçanica, Pllemetina dhe Gorazhdeci për herë të dytë.
Komuna e Graçanicës, përmes Drejtorisë Komunale të Arsimit dhe Kulturës, siguroi transport për të rinjtë për shkuarjen e tyre në forumin e organizuar nga Matica Srpska, Arkivi i Vojvodinës dhe manastiri i Shishatovcit, për nder të shkencëtarit, shpikësit dhe vizionarit tonë të madh e të shkëlqyer, Nikolla Teslla.
Nëpërmjet ligjeratave, paneleve të tryezave të rrumbullakëta, punëtorive tematike dhe kreative, pjesëmarrësit e Forumit do të kenë mundësinë të marrin njohuri dhe përvojë nga ekspertët dhe autoritetet lokale dhe të huaja mbi punën krijuese të Nikolla Tesllës.
Në kuadër të vizitës në Novi Sad janë planifikuar ngjarjet kulturore dhe ekskursionet fakultative.
Fëmijët nga Graçanica në një kamp 10-ditor në Liqenin e argjendtë
Drejtoria Komunale për Sport dhe Rini iu përgjigj pozitivisht ftesës së Komunës së Veliko Gradishtës dhe dërgoi rreth tridhjetë fëmijë nga Komuna e Graçanicës në kampin dhjetëditor të të rinjve në Liqenin e argjendtë.
Qëndrimi i fëmijëve në Liqenin e argjendtë si pjesë e kampit rinor është mbështetur nga Komuna e Veliko Gradishtës me mbështetjen financiare të ministrit Gjorgje Milliçeviq.
Mëngjesin e sotëm, drejtori i Drejtorisë Komunale për Sport dhe Rini, Dushan Cvejiq, e ka përcjell shkuarjen e fëmijëve në Liqenin e argjendtë.
“Ne jemi mbështetja që fëmijët tanë të jenë pjesë e të gjitha tubimeve rekreative dhe sportive vendase dhe ndërkombëtare. Sot dërguam rreth tridhjetë fëmijë nga komuna jonë në Liqenin e argjendtë. Ata do të jenë pjesë e të rinjve nga i gjithë rajoni, Mali i Zi, Republika Srpska, Rumania, Austria, Maqedonia dhe Bosnja e Hercegovina. Përveç pjesës rekreative, kampi ka edhe karakter edukativ, kështu që fëmijët tanë do të kenë mundësi ta vizitojnë Presidencën e Serbisë, Kalanë e Ramskës dhe Gollubcit, manastirin Tumane dhe Nimnik, si dhe Parkun kombëtar Gjërdap. Dëshiroj që fëmijët të kalojnë mirë, të shoqërohen, ta njohin më mirë vendin e tyre dhe të kthehen në Graçanicë me përshtypje të mira”, tha Cvejiq.
Fëmijët nga Graçanica do të qëndrojnë në Liqenin e argjendtë nga 4 deri më 13 korrik dhe kampi përveç sportit ka karakter ekologjik dhe kulturor-arsimor.
