Organizata turistike e Graçanicës organizon konkursin e pestë shpërblyes të fotografisë të quajtur “Fotografia më e bukur e Komunës së Graçanicës”. Temat e fotografisë janë monumentet kulturore e historike, bukuritë natyrore, objektet fetare, lokalitetet, zakonet, rrugët, ngjarjet kulturore e sportive, manifestimet, ushqimi tradicional, peizazhet dhe gjithçka që paraqet bukurinë dhe veçantinë e komunës sonë.
Kushtet e pjesëmarrjes në konkurs:
• Fotografitë duhet të jenë të krijuara ekskluzivisht në territorin e Komunës së Graçanicës;
• Pjesëmarrësi duhet të jetë autor apo mbajtësi i të drejtave të autorit për fotografinë që e paraqet dhe nuk lejohet shtimi i logove, filigranëve dhe shenjave të ngjashme në fotografi;
• Fotografitë duhet të jenë të krijuara me foto-aparat apo me telefon mobil;
• Autorët mund të konkurrojnë duke dërguar deri tre fotografi bardhë e zi apo me ngjyrë në formë digjitale;
• Pjesëmarrja në konkursin e fotografisë është falas dhe vullnetare.
OTG-ja në ftesën e saj u kërkon pjesëmarrësve të mos i dërgojnë fotografitë e fëmijëve ose fotografitë e dasmave, në mënyrë që fokusi i konkursit të jetë në përshkrimet e kulturës, natyrës dhe motiveve të jetës së përditshme.
Të dhënat e kontaktit (emri dhe mbiemri, adresa, numri i telefonit), si dhe fotografitë duhet të dërgohen në mënyrë elektronike në këtë adresë: konkurs.tog@gmail.com . Afati i fundit për dërgimin e fotografive është 14.11.2025. Fotografitë e dërguara pas afatit nuk do të merren në konsideratë. Për informata shtesë, kandidatët mund të telefonojnë në numrin e telefonit: 038/748-267 ose t’i vizitojnë ambientet e Organizatës turistike të Graçanicës, të vendosura në rrugën “Stefan Deçanski”, objektin e RTV Graçanica, çdo ditë nga ora 09:00 deri në orën 15:00.
