“Sulmet ndaj familjeve serbe në Kishnicë ishin njëra nga temat kryesore në mbledhjen e kaluar të Këshillit komunal për siguri në bashkësi të Komunës së Graçanicës. Iu kemi qasur seriozisht këtij problemi dhe kemi kërkuar nga policia, përfaqësuesit e të cilës kishin marrë pjesë në këtë mbledhje si anëtarë të përhershëm të këtij Këshilli, që ta rrisin praninë e tyre në këtë fshat multietnik në territorin e komunës sonë, ta kryejnë hetimin e detajuar dhe t’i gjejnë personat përgjegjës për këto sulme. Gjithashtu, e kemi pranuar raportin e këshillit të fshatit, i cili iu prezantua anëtarëve të Këshillit komunal në këtë mbledhje. Komuna do të bëj gjithçka që është nën juridiksionin e saj për të mbrojtur familjet serbe në Kishnicë, ndërsa nga struktura e sigurisë presim që ta kryejë punën e saj në mënyrë profesionale dhe t’i ndalojë sulmet ndaj familjeve serbe në Kishnicë”, theksoi kryetari i Komunës së Graçanicës, Vladeta Kostiq.
Kryetari i Komunës së Graçanicës, Vladeta Kostiq, i dënoi fuqishëm sulmet e kryera gjatë ditëve të fundit ndaj familjeve serbe në Kishnicë në afërësi të Graçanicës.
