Z. Ilazi e njoftoi z. Kostiq për prioritetet, progresin dhe sfidat në procesin e integrimit evropian. Zëvendësministri për Integrim Evropian tha se Kosova ka bërë progres në përmbushjen e kërkesave evropiane lidhur me liberalizimin e vizave dhe pret që në vitin e ardhshëm do të ketë regjim pa viza.
Z. Kostiq e njoftoi z. Ilazi me aktivitetet të cilat Komuna e Graçanicës është duke i zbatuar në lidhje me agjendën evropiane, si edhe planet të cilat pushteti lokal i ka në plan për t’i zbatuar, dhe të cilët kanë një rëndësi të madhe për qytetarët, por edhe për të përmbushur standardet evropiane.
“Pushteti lokal po punon për ta përmirësuar cilësinë e shërbimeve dhe për të përmbushur standardet evropiane, kryesisht për të arritur një jetë më të mirë dhe cilësore për qytetarët tanë. Për projekte të caktuara, të tilla si zgjidhja e çështjes së qenve endacakë, zgjidhja e problemeve komunale të zonës së biznesit, e cila është një nga më të mëdhatë në Kosovë dhe të tjera, ne presim ndihmë. Ne kemi zgjidhje për shumë probleme, të tilla si hartimi i plotë i projektit për zgjidhjen e rrjetit të furnizimit me ujë dhe komunal të zonës së biznesit me qëllim të zhvillimit ekonomik. Hapi i parë është ndryshimi i Planit Zhvillimor dhe për këtë presim ndihmë nga ministritë e ndryshme ", tha Kostiq.
Është biseduar edhe për mundësitë që procesi i integrimeve evropiane të jetë sa më afër qytetarit, si dhe për benifitete e anëtarësimit në BE.
Në takim është konkluduar se qeveritë lokale kanë një rol të rëndësishëm në procesin e integrimeve evropiane dhe standardeve, sepse ata përballen çdo ditë me kërkesat e shumta dhe shqetësimet e qytetarëve.
Kryetari i Komunës së Graçanicës, Vladeta Kostiq, bisedoi me zëvendësministrin e Integrimit Evropian, Ramadan Ilazi, për procesin e integrimit evropian.
