Kryetari i komunës së Graçanicës, Vladeta Kostiq, në emisionin “O e hapur” të Radio Graçanicës tha se gjatë vitit 2015 është punuar dhe ende punohet në rindërtimin e rrugëve lokale në territorin e komunës së Graçanicës.
“Të gjitha vendet në territorin e komunës së Graçanicës do t΄i kenë rrugët e rindërtuara pa gropa dhe dëme të mëdha. Shumë rrugë të vogla janë shtruar nga rrugët e rindërtuara të cilat i lidhin vendet dhe të cilat lidhen me Graçanicën. Asfaltimi i rrugëve, të cilat vetëm janë të shtruara, pritet që do të bëhet vitin e ardhshëm. Sa i përket përmbytjeve të cilat e kanë prekur komunën e Graçanicës, ngadalë po i vjen fundi pastrimit të lumenjve. Nuk është zgjidhur në përgjithësi problemi, por pas korrjeve do ta përforcojnë digën duke pastruar shtratin e lumit Graçanka dhe atë të Sitnicës. Rrjedhja e lumit Sitnica ka krijuar një problem të madh dhe është zgjidhur në mënyrë urgjente, por pastrimi i përgjithshëm i lumit Sitnica është një projekt tepër i shtrenjtë. Do ta ndërtojnë një shtrat të madh dhe të gjerë ndërmjet Graçanicës dhe Llapnasellës. Digat janë forcuar dhe shpresoj se për një periudhë të gjatë kemi shpëtuar nga përmbytjet”.
Sipas kryetarit të komunës z. Kostiq, për shkak të zjarrit të krijuar pas korrjeve, shpesh ka ardhur deri te përhapja e zjarrit, dhe për këtë arsye Komuna e Graçanicës edhe këtë vit i ka bërë thirrje bashkëqytetarëve të saj.
“Komuna e Graçanicës i paralajmëron banorët që është e ndaluar gjatë korrjeve të ardhshme djegia e kallamishtes dhe se shërbimet përgjegjëse do ta zbatojnë inspektimin dhe dënimin me para dhe procedure kundërvejtëse për të gjithë ata të cilët gjatë dhe pas korrjeve e djegin kallamishten në fushat e tyre apo në fusha të cilat ata i shfrytëzojnë. Në përputhje me ligjin, Departamenti komunal i inspekcionit dhe ai i Shërbimeve publike, në bashkëpunim me policinë e Kosovës, do ta vizitojnë terrenin në tërë territorin e komunës së Graçanicës 24 orë në ditë dhe askujt nuk do t΄i lejohet djegia e mbeturinave të korrjeve”.
Banorët e Graçanicës përmballen me ndërprerjet e ujit për shkak të prishjeve në rrjetin e ujësjellësit.
“Graçanica ka një problem të madh me furnizim me ujë, sepse vjen deri te plasaritja e gypave dhe bashkëqytetarët mbesin disa orë apo ditë pa ujë. Zgjidhja më e mirë në lidhje me këtë është që të ndërtohet një rrjet i ri i ujësjellësit dhe kështu do të zgjidhet për disa dekada ky problem. Nëse nuk i marrim mjetet nga Ujësjellësi apo ministrisë përkatëse, përfaqësuesit e Komunës së Graçanicës do të përpiqen që përmes donacioneve apo t΄i sigurojnë vetë mjetet për ndërtimin e rrjetit të ri të ujësjellësit”.
Përfaqësuesit e Ministrisë për Komunitete dhe Kthim në Qeverinë e Kosovës dhe përfaqësuesit e Komunës së Graçanicës kanë nënshkruar kontrata me 19 persona të zhvendosur brenda vendit dhe familje të rrezikuara sociale, të cilat kanë përfituar banesa në përdorim sipas konkursit të shpallur në vitin e kaluar.
„Një nga problemet më të mëdha, i cili u diskutua gjatë nënshkrimit të kontratave për përdorimin e banesave, ishte që disa nga njësitë e banimit janë të banuara ilegalisht. Komuna e Graçanicës dhe Ministria për Komunitete dhe Kthim do të ofrojnë ndihmë për të gjithë ata, banesat e të cilëve janë uzurpuar, që ta realizojnë të drejtën për të jetuar në banesat e tyre”, tha Kostiq.
Kryetari i komunës së Graçanicës, Vladeta Kostiq, tha për programin e Radio Graçanicës se nuk është i kënaqur plotësisht me punën e disa shërbimeve komunale dhe punën e disa drejtorëve.
“Jam i vetëdijshëm se e gjithë barra i bien kryetarit të komunës gjatë marrjes së vendimeve të ndryshme. Nuk mund të them se nuk jam kënaqur me drejtorët e caktuar, punën e tyre dhe interesimin për ta kryer punën e tyre siç duhet. Disa drejtorë mund të përpiqen më shumë rreth shërbimit të tyre dhe rreth punës së tyre, ndërsa me disa drejtorë nuk jam i kënaqur aspak me punën e tyre. Do ta bëj shumë shpejt një rikonstruktim për ta përmirësuar punën e të gjitha departamenteve në shërbimin komunal”, tha Kostiq.
Në territorin e komunës së Graçanicës në tre muajt e fundit është punuar shumë në infrastrukturë, si dhe në kujdesin e familjeve të zhvendosura dhe të rrezikuara sociale, theksoi kryetari i komunës së Graçanicës, Vladeta Kostiq, në emisionin “O e hapur” të Radio Graçanicës. Ai tha se nuk është plotësisht i kënaqur me punën e disa shërbimeve komunale dhe punën e disa drejtorëve.
