Kryetari i komunës së Graçanicës, Srgjan Popoviq, bisedoi sot me qytetarët e qeverisjes lokale me qëllim të zgjidhjes së problemeve me të cilat ata ballafaqohen.
Mundësinë për tꞌia paraqitur drejtpërdrejt problemet e tyre njeriut të parë të komunës së Graçanicës e patën dhjetë qytetarë që më herët e caktuan takimin me të.
Së pari, kryetari Popoviq priti një grup të grave nga Sushica dhe Badovci i Ri, të cilat nga qeverisja lokale kërkuan ndërtimin e kopshtit për fëmijë, për shkak, siç thanë ato, të nevojës së prindërve të punësuar dhe numrit të madh të fëmijëve. Ato në takim me kryetarin Popoviq erdhen të shoqëruar nga përfaqësuesja e fshatit dhe të organizatës “Iniciativa qytetare për zhvillimin e qëndrueshëm”, të cilat e filluan inicativën për ndërtimin e kopshtit.
“Unë jam e punësuar, kam nipa, prindërit e tyre janë të zënë dhe problemi më i madh është kujt tꞌia lënë fëmijët. Mendoj se me ndërtimin e kopshtit do të zgjidhet problemi i strehimit të fëmijëve. Ndërtimi i kopshtit do tꞌi ndihmojë prindërit dhe qytetarët e tjerë, sidomos për shkak të numrit të madh të fëmijëve në këto dy vende. Me siguri numri i tyre është mbi nëntëdhjetë fëmijë deri në moshën pesëvjeçare. Do tꞌi drejtohemi Komunës së Graçanicës përmes kërkesës me nënshkrimet e prindërve dhe shpresojmë se pushteti lokal do të ketë mirëkuptim për hapjen e kopshtit”, tha Snezha Andrejeviq nga Sushica.
Njerëzit, si deri më tani, vijnë për të biseduar me kryetarin e komunës së Graçanicës, Srgjan Popoviq, për gjëra të ndryshme, më shpesh për zgjidhjen e problemeve sociale, problemeve të infrastrukturës dhe të ngjashme.
Qytetarët e interesuar mund të caktojnë takim me kryetarin e komunës së Graçanicës duke paraqitur një kërkesë te sporteli brenda objektit të komunës në Graçanicë çdo ditë pune në periudhën prej 08:00 deri në orën 16:00.
