Kryetarja e Komunës së Graçanicës, prof. dr. Ljiljana Shubariq, priti ambasadorin e Italisë në Kosovë, Antonello De Riu, me të cilin bisedoi për gjendjen e përgjithshme në komunën tonë.
Kryetarja Shubariq e njohu ambasadorin Riu me funksionimin e qeverisjes lokale, prioritetet dhe arritjet e saj kryesore, sfidat dhe problemet me të cilat ballafaqohet, si dhe mundësitë e zgjidhjes së tyre.
Duke falënderuar për pritjen, ambasadori i Italisë në Kosovë, Antonello De Riu, tha se këto ditë po viziton komunat për të mësuar se si mund t’i ndihmojë qeveria italiane.
Në këtë kuptim, u diskutua konkretisht për bashkëpunim të mundshëm në fusha dhe projekte të ndryshme që mund të kontribuojnë në zhvillimin e mëtutjeshëm të komunës dhe përmirësimin e cilësisë së jetës së qytetarëve.
Kryetarja Shubariq tha se biseda ishte e hapur dhe se mezi pret mundësitë e bashkëpunimit në të ardhmen që do të sjellin përfitime dhe do të përmirësojnë jetën në komunën tonë.
