Kryetarja e Komunës së Graçanicës, prof.dr. Ljiljana Shubariq, mori pjesë mbrëmë në hapjen madhështore të ekspozitës së pikturës me titull “Ozhiljci” të piktorit akademik Millosh Mitroviq Geta.
Me atë rast, kryetarja Shubariq e përgëzoi Mitroviqin për punën e tij shumëvjeçare dhe ekspozitën e suksesshme të pikturave të hapura në Galerinë e Shtëpisë së kulturës në Graçanicë. Ajo i tha se edhe pse i ri, ai kishte treguar përmes ekspozitës se ishte një profesionist dhe artist i lartë.
Në hapjen e ekspozitës, përveç kryetares Shubariq, morën pjesë edhe përfaqësuesit e jetës kishtare, kulturore e publike dhe qytetarë të shumtë. Ekspozita u hap nga kryeprifti Stevo Mitriq.
Sipas Mitroviqit, ekspozita është frymëzuar nga përvojat personale dhe kolektive të popullit serb në Kosovë, ku përveç kësaj, pikturat paraqesin edhe “bukurinë, ose më mirë peizazhe”. Ekspozita e tij shfaqet për herë të parë në Graçanicë.
Ekspozita është mbështetur, përveç të tjerëve, edhe nga Komuna e Graçanicës.
