Kryetarja e Komunës së Graçanicës, prof.dr. Ljiljana Shubariq, mori pjesë mbrëmë në hapjen ceremoniale të manifestimit “Festimet e Vidovdanit” në Shtëpinë e kulturës në Graçanicë.
Manifestimi “Festimet e Vidovdanit”, për herë të 35-të, u hap me ekspozitën e pikturave “Art Tura” nga koleksioni i Muzeut Këmbëtar të Serbisë dhe është shënuar fillimi i punës së Kolonisë së 27-të të artit “Vidovdan 2025”.
Festimet e Vidovdanit, të cilat zgjasin një muaj, mbahen në të gjithë Kosovën dhe u hapën nga Millena Parllia nga Sektori i Kujdesit për Trashëgiminë Kulturore në Zyrën për Kosovë dhe Metohi. Ajo theksoi se ato janë një dëshmi e ekzistencës, këmbënguljes dhe krijimit tonë.
Në emër të mikpritësve, Zharko Millenkoviq, redaktori i programit të Shtëpisë së kulturës, i përshëndeti të pranishmit, ndërsa historiani Marko Markoviq foli për Vidovdanin dhe rëndësinë e shënimit të tij.
Për rëndësinë e ekspozitës “Art Tura”, e cila do të jetë e hapur në Graçanicë deri më 24 qershor, dhe e cila u organizua falë bashkëpunimit të mirë të Shtëpisë së kulturës së Graçanicës, Galerisë së artit dhe Muzeut Kombëtar të Serbisë, foli këshilltarja e muzeut, Mirjana Rakoçeviq.
U hap zyrtarisht edhe Kolonia e 27-të e artit “Vidovdan 2025”, me pjesëmarrjen e artistëve të shquar nga Serbia dhe rajoni.
Në hapjen e ngjarjes morën pjesë përfaqësuesit e shumtë politikë, kishtar dhe të tjerë të shoqërisë.
Kryetarja e Komunës së Graçanicës, prof. dr. Ljiljana Shubariq, në një deklaratë për Shërbimin Komunal të Informimit, theksoi rëndësinë e mbajtjes së festimeve të Vidovdanit për ruajtjen e kulturës dhe traditave serbe.
