Me rastin e kufizimeve të përditshme të ujit të pijshëm, në periudhën prej 10 deri në 16 orë me ujë, që shkaktuan pakënaqësi në mesin e banorëve, përfaqësuesit e Komunës së Graçanicës mbajtën një takim me autoritetet e Kompanisë Rajonale të Ujësjellësit.
Drejtoresha e Departamentit të Shërbimeve Publike pranë Komunës së Graçanicës tha se në këtë takim është theksuar se shkyçja e ujit të pijshëm në këtë periudhë është e përkohshme dhe parandaluese.
„Drejtori i Kompanisë Rajonale të Ujësjellësit na tha se këto masa kufizuese janë të përkohshme dhe se aktualisht është ngadalsuar procesi i rrjedhjes së përpunimit dhe shpërndarjes së ujit, për shkak të pastrimit të tij nga kërpudhat që janë shfaqur në liqen. Theksojmë, këto kërpudhat nuk ndikojnë në cilësinë bakteriologjike të ujit të pijshëm“, tha Jellena Stojanoviq, drejtoresha e Departamentit të Shebimeve Publike.
Stojanoviq tha se shpreson se që nga java e ardhshme do të ndryshohet orari i kufizimeve të ujit nëpër vende që furnizohen me ujë të pijshëm nga liqeni i Badovcit.
Autoritet nga Komuna e Graçanicës raportojnë se kufizimet e ujit të pijshëm prej disa orësh, gjashtë orë me ujë dhe gjashtë orë pa të, janë të përkohshme dhe parandaluese.
