Në kuadër të fushatës “Muaji i gjelbër”, e cila do të zgjasë deri më 5 qershor, kur festohet Dita Botërore e Mjedisit, sot në Qendrën e shkollave të mesme në Llapllasellë u mbajt ligjërata mbi rëndësinë e mbrojtjes së mjedisit.
Ligjerata, e organizuar nga Drejtoria Komunale e Urbanizmit dhe Planifikimit Hapësinor, u mbajt për nxënësit e shkollave të mesme dhe kishte për qëllim inkurajimin e të rinjve që të kontribuojnë në ruajtjen e mjedisit në Komunën e Graçanicës.
Ligjerata është mbajtur për nxënësit e shkollave të mesme të Shkollës së Mjekësisë dhe Ekonomike, si dhe Shkollës së Mesme nga Tijana Marinkoviq nga Drejtoria Komunale ei Urbanizmit, ku morën pjesë edhe drejtoresha Alleksandra Gjekiq, drejtori i Drejtorisë së Rinisë dhe Sportit, Strahinja Aritonoviq, si dhe përfaqësuesit e Organizatës turistike të Graçanicës.
Përmes ligjeratës që zgjati një orë mësimore, nxënësit patën mundësinë të mësonin më shumë rreth përpjekjeve të Komunës së Graçanicës për të ruajtur një mjedis të shëndetshëm, efekteve dëmshme të ndotjes dhe ndikimit të njerëzve në mjedis.
Strategjia për qëndrueshmërinë e një mjedisi të shëndetshëm u shpjegua gjithashtu, si dhe rëndësia e përfshirjes së të rinjve në punë vullnetare për këto qëllime.
Fushata “Për një Graçanicë më të shëndetshme dhe më të pastër” zbatohet bashkërisht nga Komuna e Graçanicës, Organizata turistike e Graçanicës, Ndërmarrja publike-komunale “Ekologjia”, OJQ-ja “Iniciativa rinore e Graçanicës” dhe Inkubatori social i Graçanicës, si dhe RTV Graçanica.
Fushata është planifikuar të përfundojë më 5 qershor, në Ditën Botërore të Mjedisit, me ngasjen e biçikletave “Rrethi i gjelbër”.
