Gjithsej janë diskutuar 13 pika të rendit të ditës, të cilat janë miratuar njëzëri nga këshilltarët e pranishëm.
Pasi që u miratua procesverbali nga mbledhja e pestë e jashtëzakonshme, këshilltarët njëzëri e aprovuan propozimin për përdorimin e gjuhës rome si gjuhë zyrtare në Komunën e Graçanicës.
Këshilltarët miratuan propozim-vendimin për themelimin e Komisionit për vlerësimin e ofertave në procedurën e dhënies së pronës së paluajtshme komunale në përdorim dhe themelimin e Komisionit për ankesa në procedurën e dhënies së pronës së njëjtë.
Drejtori i Financave, Slavisha Niçiq, shpjegoi propozimin, kurse këshilltarët e miratuan transferimin e kursimeve për investime kapitale dhe transferimin e tyre për projekte të tjera kapitale. Të pranishmit miratuan edhe raportin financiar nëntëmujor.
Në Komitet u miratua edhe Rregullorja për organizimin e brendshëm dhe sistematizimin e vendeve të punës të propozuar nga drejtori i Departamentit të Shëndetësisë dhe Mirëqenies Sociale dhe Familjare, Ivica Miciq.
Këshilltarët e shqyrtuan edhe pas diskutimit e miratuan Rregulloren për mbrojtjen e mjedisit dhe shërbimet publike komunale e propozuar nga drejtori i Departamentit të Inspekcionit, Milosh Dimitrijeviq.
Është miratuar edhe propozimi për Planin vjetor të punës së Kuvendit Komunal të Graçanicës për vitin 2015, si dhe propozim-vednimi për formimin e Komitetit për Shërbime Publike i propozuar nga kryesuesja e Kuvendit Komunal të Graçanicës, Brankica Kostiq.
Në mbledhjen e Komitetit është shqyrtuar edhe propozimi për shfuqizimin e Rregullores Gb.304 nga 27.06.2014 për ndryshimin dhe plotësimin e Rregullores nr. Gb-216 nga 18.07.2013, me propozim të kryesueses së Kuvendit Komunal të Graçanicës, Brankica Kostiq.
Të gjitha pikat e rendit të ditës janë të përfshira në rendin e ditës së mbledhjes së gjashtë të jashtëzakonshme të KK të Graçanicës, në të cilën ato do të shqyrtohen në detaje.
Në sallën e Kuvendit Komunal të Graçanicës u mbajt mbledhja e gjashtë e jashtëzakonshme e Komitetit për Politikë dhe Financa.
