Në fushat e fshatit Batushë, ekipet e Shërbimit të zjarrfikësve nga Llapnasella me ndihmën e ekipeve të situatave emergjente në Komunën e Graçanicës kanë arritur ta lokalizojnë rreth orës 15:30 minuta zjarrin të shkaktuar me djegien e hamulloreve.
Në terren kanë dalë menjëherë ekipet e Departamentit komunal të inspeksioonit, ndërsa drejtori i këtij departamenti, Milosh Dimitrijeviq, tha se zjarri ishte shkaktuar nga djegia e hamulloreve, i cili kërcënoi edhe jetën e njerëzve dhe pronat e tyre.
“Për fat të mirë dhe me një ndërhyrje të shpejtë kemi arritur që ta lokalizojmë zjarrin. Temperaturat e larta kanë kontribuar në përhapjen e shpejtë të zjarrit dhe në këtë mënyrë kërcënoi edhe jetën e njerëzve dhe pronat e tyre, sepse ai u përhapte në drejtim të qendrës së fshatit”, tha Dimitrijeviq.
Ekipet e Shërbimit të zjarrfikësve nga Llapnasella dy netë më parë pas disa orësh arritën që ta shuajnë zjarrin në vendbanimin Padalishte në Graçanicë, i cili me djegien e hamulloreve është përhapur dhe kërcënoi vendbanimin me kontejnerë në të cilin jetojnë personat e zhvendosur brenda vendit.
Udhëheqja e Komunës së Graçanicës dhe drejtoritë përkatëse do të kërkojnë nga policia inicimin e hetimit të detajuar lidhur me zjarrin i cili sot u shkaktua nga djegia e hamulloreve në Batushë, si dhe paraqitjen e kallëzimit penal kundër individëve të papërgjethshëm që me djegien e hamulloreve, pavarësisht paralajmërimeve të shumta, e kanë rezikuar jetën e fqinjëve të tyre.
