Me rastin e shënimit të Ditës Botërore të Mjedisit, sot në Komunën e Graçanicës u nënshkrua memorandumi me të cilin rregullohen planet dhe aktivitetet për shënimin e kësaj dite në territorin e Komunës së Graçanicës.
Kryetarja e Komunës së Graçanicës, prof. dr. Ljiljana Shubariq, e nënshkroi Memorandumin e Mirëkuptimit me drejtorët e drejtorive përkatëse komunale, Organizatën turistike të Graçanicës, Ndërmarrjen publike-komunale, Radio Televizionin e Graçanicës dhe organizatat joqeveritare që do të punojnë në përgatitjen dhe zbatimin e aktiviteteve me rastin e 5 qershorit, Ditës Botërore të Mjedisit.
Memorandumi përfshin formimin e një ekipi të përbashkët dhe pjesëmarrjen e të gjithë nënshkruesve në organizimin e ngjarjeve edukative dhe promovuese, fushatave dhe paraqitjeve në media, shkëmbimin e informacionit dhe përfshirjen aktive të popullsisë lokale, shkollave dhe vullnetarëve në përgatitjen dhe organizimin e ngjarjeve.
Qëllimi i veprimit të përbashkët është, siç thuhet në Memorandum, ta rrisë ndërgjegjësimin e qytetarëve për rëndësinë e ruajtjes së mjedisit.
Dita Botërore e Mjedisit është një ditë që shënohet në të gjithë botën çdo 5 qershor përmes aktiviteteve të ndryshme dhe me qëllim të nxjerrjes në pah të problemeve të shumta mjedisore dhe nevojës për ta ruajtur mjedisin.
