Në Graçanicë, para bustit të sapo zbuluar të Nikolla Tesllës, u shënua 168 vjetori i lindjes së këtij shpikësi dhe shkencëtari të famshëm.
Për nder të lindjes së një prej mendjeve më të mëdha botërore, kryetarja e Komunës së Graçanicës, prof. dr. Ljiljana Shubariq, në prani të bashkëpunëtorëve dhe qytetarëve, vendosi lule para bustit të Nikolla Tesllës, i vendosur së fundi në parkun afër ndërtesës së komunës.
“Në këtë mënyrë i bëmë edhe një herë nderim figurës dhe veprës së Nikolla Tesllës, një njeriu që na dedikoi gjithë jetën neve dhe brezave të ardhshëm, një njeriu që kishte vetëm një qëllim në jetë – të punonte dhe të krijonte për njerëzimin”, tha kryetarja Shubariq.
Ajo shtoi se është fakt që Nikolla Teslla na la një thesar ideash të realizuara dhe të nisura që mund t’i shohim kudo dhe se më e pakta që mund të bënim është të mblidhemi në përvjetorin e lindjes së tij pranë bustit që së fundmi e zbukuron Graçanicën tonë.
Duke kujtuar se busti është vepra e fundit e skulptorit dhe shkrimtarit nga hapësirat tona, akademikut Svetisllav Arsiq Basara, kryetarja e falënderoi edhe një herë Fondacionin Shkencor Teslla nga Filladellfia, presidentin Nikolla Llonçar dhe drejtoreshën e gazetës “Jedinstvo”, gazetaren Rada Komazec, të cilët e bëhën të mundur vendosjen e bustit të Nikolla Tesllës këtu.
Me rastin e përvjetorit të lindjes së Nikolla Tesllës, siç tha të gjeniut, kryetarja Shubariq u shpërndau qytetarëve të mbledhur disa libra për këtë shkencëtar dhe shpikës të madh.
Shkencëtari dhe shpikësi serb, padyshim një nga mendjet më të mëdha në histori, Nikolla Teslla lindi në këtë ditë, më 10 korrik 1856, në fshatin Smiljan të Llikës.
