Nën organizimin të Komunës së Graçanicës, Dita Botërore e Mjedisit u shënua sot me një fushatë promovuese, një ekspozitë arti me punime fëmijësh dhe ngjasje të biçikletave, e cila zyrtarisht e përfundoi fushatën njëmujore mjedisore “Muaji i gjelbër”.
Shënimi i Ditës Botërore të Mjedisit mblodhi sot një numër të madh qytetarësh në Graçanicë, ku në këtë shënim mori pjesë edhe kryetarja e Komunës së Graçanicës, prof. dr. Ljiljana Shubariq dhe bashkëpunëtorët e saj.
Imagjinata e fëmijëve për dashurinë ndaj natyrës dhe rëndësisë së ruajtjes së saj u prezantua sot përmes ekspozitës me punime fëmijësh “Imagjinatë e gjelbër, Planet i pastër”, ku fëmijët më të suksesshëm u shpërblyen.
Fushata “Muaji i gjelbër”, me rastin e Ditës Botërore të Mjedisit, përfundoi me ngjasjen e biçikletave “Rrethi ekologjik” nga ndërtesa e Komunës deri në Manastirin e Graçanicës si simbol i një stili jetese më të shëndetshëm dhe më të qëndrueshëm nga ana mjedisore. Morën pjesë disa dhjetëra çiklistë të të gjitha brezave.
Shënimi i Ditës Botërore të Mjedisit në Graçanicë u plotësua nga stendat promovuese të “Fushatës së gjelbër” përpara Komunës së Graçanicës, ku organizatorët informuan qytetarët rreth iniciativave lokale mjedisore dhe shpërndanë materiale promovuese.
Shënimi i Ditës Botërore të Mjedisit u organizua nga Komuna e Graçanicës në bashkëpunim me Organizatën turistike të Graçanicës, PUC “Ekologija”, organizatat Iniciativa Rinore e Graçanicës dhe Përfshirja Sociale e Graçanicës, me mbështetjen mediatike të RTV Graçanicës.
Fushata “Muaji i gjelbër” filloi më 2 maj, kur u zhvilluan një sërë aktivitetesh, siç janë pastrimi i hapësirave publike, shtretërve të lumenjve, mbjellja e pemëve dhe luleve, si dhe punëtori edukative.
