Me rastin e Ditës Botërore të Mjedisit, më 5 Qershor, në Shtëpinë e kulturës në Llapllasellë dhe në institucionin parashkollor “Gëzimi ynë” në Uglar u organizua një aksion ekologjik i mbjelljes së pemëve dhe luleve dekorative.
Aksioni i mbjelljes së pemëve dhe luleve synon të tërheq vëmendjen për rëndësinë e ruajtjes së natyrës, të rrisë nivelin e vetëdijes mjedisore dhe të motivojë banorët të përfshihen në luftën për të ruajtur planetin.
Drejtori i Inspekcionit, Millosh Aritonoviq, theksoi se shënimi i këtij viti synon të edukojë për rëndësinë dhe mënyrën në të cilën secili individ mund të kontribuojë në mbrojtjen e mjedisit me shembull personal dhe punë personale.
“Ky është një veprim tjetër në një seri që ne po bëjmë për të mbrojtur mjedisin. Për shkak të situatës së përgjithshme në lidhje me virusin, kemi vendosur që këtë vit festimi i Ditës së Mbrojtjes së Mjedisit të organizohet pa fëmijë dhe ligjërata, të cilat i kemi mbajtur në vitet e kaluara”, tha Aritonoviq.
Drejtoresha e Urbanizmit, Planifikimit dhe Mbrojtjes së Mjedisit, Mirjana Stanojeviq, tha se është e rëndësishme të ngrihet vetëdija tek qytetarët për mbrojtjen e mjedisit në të cilin ata jetojnë, por është më e rëndësishme sesi sillen gjatë gjithë vitit.
“Sot shënuam Ditën e Mbrojtjes së Mjedisit duke mbjellë pemë dhe bimë zbukuruese. Ne përpiqemi të ndërgjegjësojmë qytetarët me veprime të tilla, në mënyrë që ta ruajnë mjedisin në të cilin ata jetojnë. Gjëja më e rëndësishme është ta mbrojmë mjedisin tonë, sepse gjeneratat tona të reja do të rriten këtu”, përfundoi drejtoresha Stanojeviq.
Dita Botërore e Mjedisit po shënohet në mbarë botën, njerëzit përgjatë Planetit po punojnë së bashku për të siguruar një të ardhme më të pastër, më të gjelbër dhe më të ndritshme për veten e tyre dhe gjeneratat e ardhshme.
