Regjistrimi i bujqësisë në Kosovë, i cili për herë të parë u zhvillua në vitin 1960, do të fillojë me zbatim prej datës 1 nëntor dhe do të zgjasë deri më 20 nëntor 2014.
Gjatë kësaj periudhe, regjistruesit e bujqësisë do t’i vizitojnë ekonomitë bujqësore për të mbledhur të dhënat e nevojshme lidhur me numrin e njerëzve në Kosovë, të cilët merren me prodhimin bujqësor, nivelin e shfrytëzimit të sipërfaqes bujqësore, fondin blegtoral, si dhe çfarë dhe si është makineria bujqësore dhe sa ka objekte bujqësore.
Regjistrimi i bujqësisë do të sigurojë të dhënat e besueshme statistikore të nevojshme për planifikim dhe realizim të politikave bujqësore dhe të tjera, si dhe për hulumtime shkencore. Me këtë regjistrim të bujqësisë do të krijohet baza e të dhënave për ekonomitë bujqësore dhe regjistri i fermerëve, që do të mundësojë zhvillimin e sistemit bujqësor statistikor në Kosovë, në përputhje me legjislacionin e BE – së.
Regjistrimi i bujqësisë do të ofrojë të dhënat mbi strukturën e ekonomive bujqësore në territorin e Kosovës që janë të harmonizuara me standardet e BE – së dhe rekomandimet ndërkombëtare.
Bisedimet me qytetarët do të zhvillohen nga ana e regjistruesve që obligohet që të kenë kartelën identifikuese. Të dhënat do të merren nga pronarët e ekonomive dhe menaxherët e subjekteve juridike bujqësore.
Përfaqësuesit e ASK – së ftojnë fermerët të bashkëpunojnë me regjistruesit dhe t’i sigurojnë të dhënat e sakta. Ata theksojnë se të dhënat e marra do të përdoren vetëm për qëllime statistikore.
Agjencia Kosovare e Statistikave (AKS) do ta zbatojë regjistrimin e bujqësisë në Kosovë në nëntor, duke u bazuar në Ligjin për regjistrimin e bujqësisë.
