Qëndrimi i fëmijëve nga Graçanica, të cilët udhëtuan në kampin dhjetëditor në Liqenin e argjendtë, në dy ditët e para u prit me një sërë turne të bukura, ndër të parat ishte vizita në Presidencën e Serbisë.
I pari nga tre kampet tematike për fëmijë dhe të rinj filloi në Veliko Gradishtë, ku rreth tridhjetë fëmijë nga Graçanica janë pjesë e këtij kampi edukativo-sportiv në Liqenin e argjendtë, falë Drejtorisë për Sport dhe Rini, i cili iu përgjigj pozitivisht ftesës së Komunës së Veliko Gradishtë.
Me fëmijët ka udhëtuar edhe drejtori i Drejtorisë Komunale për Sport, Dushan Cvejiq, i cili në një prononcim për Shërbimin Komunal të Informimit tha se fëmijët janë pozitivë, të gëzuar dhe të mirëpritur vëllazërisht në Veliko Gradishtë dhe Beograd.
“Në ditën e parë të vizitës fëmijët u njohën me përmbajtjen e kampit, ata vizituan sallën e sportit, fushat e basketbollit, kampin “Teo 4” dhe administratën komunale të Veliko Gradishtë. Dje ishim në Beograd, vizituam kishën e Shën Savës dhe përshtypje të veçantë u la fëmijëve pritja në Presidencën e Serbisë, ku presidenti Alleksandar Vuçiq i priti dhe u dhuroi kompjuterë tabletë. Kemi fëmijë të mrekullueshëm dhe do të bëjmë gjithmonë përpjekjet maksimale për ta bërë çdo ditë të gëzuar për ta, jo vetëm gjatë këtij kampi. Ata meritojnë të njëjtat shanse si të gjithë fëmijët në botë”, tha Cvejiq.
Gjatë qëndrimit në kamp, fëmijët do të kenë mundësi të shoqërohen me të rinj nga vendlindja, t’i përmirësojnë njohuritë e tyre për gjuhën, kulturën dhe historinë serbe.
Qëndrimi i fëmijëve në Liqenin e argjendtë si pjesë e kampit rinor është mbështetur nga komuna e Veliko Gradishtës me mbështetjen financiare të ministrit Gjorgje Milliçeviq.
