Këndi i lojërave për futbollin e vogël dhe parkingu bashkërisht do të financohet nga Komuna e Graçanicës dhe Fondi për zhvillim komunitar (CDF) përmes programit të USAID – it “Avancojmë Kosovën së bashku”.
Memorandumi për këtë projekt infrastrukturor sot u nënshkrua nga kryetari i komunës së Graçanicës, Vladeta Kostiq dhe përfaqësuesi i CDF – së.
“Qëllimi ynë është që të sigurojmë për të rinjtë në radhë të parë një hapësirë të sigurtë dhe cilësor për lojë, argëtim dhe kënaqësi”, tha Kostiq.
Këndi i lojërave për futbollin e vogël dhe parkingu do të ndërtohen brenda parkut ekzistues në Llapnasellë, në afërsi të rrugës Graçanicë – Preoc, i cili u ndërtua vitin e kaluar nga Komuna e Graçanicës. Këndi i tërësishëm i lojërave, sipas formës arkitektonike, është konceptuar si një kështjellë. Kulla qendrore si një objekt shumëfunksional paraqet skenën e shfaqjeve për fëmijë, ku gjithashtu është instaluar tobogani dhe rekuizitat e tjera që përdoren për argëtimin e fëmijëve.
Në Llapnasellë në komunën e Graçanicës së shpejti do të fillojë ndërtimi i një këndi lojërash për futbollin e vogël dhe parkingu.
