Dhuratat për fëmijët e moshës parashkollore, të klasës së parë dhe të dytë janë shpërndarë nga u.d. kryetar i Komunës së Graçanicës, dr. Nebojsha Milovanoviq me drejtoreshen e Departamentit të Arsimit, Kulturës, Rinisë dhe Sportit, Gordana Toskiq dhe presidentin e Organit të përkohshëm të Komunës së Lipjanit, Zlatko Laziq.
Përveç në shkollën amzë “Knez Lazar”, dhuratat, të cilat përmbajnë mjete shkollore, ëmbëlsira dhe mjete higjienike, janë ndarë edhe për fëmijët e klasave të ndara në Gushtericën e Epërme, Dobrotin dhe në Livagjë.
U.d. kryetar i Komunës së Graçanicës iu tha fëmijëve me rastin e ndarjes së dhuratave se bëhet fjalë për dhuratat të cilat u përgatitën nga zemra nga moshatarët e tyre nga Vojvodina.
“Këta janë miqtë tuaj nga Novi Sadi të cilët po ju përcjellin mesazhin se nuk jeni vetëm, që ju keni të gjithë dashurinë dhe vëmendjen. Dëshira e tyre është që të jeni të lumtur, që të keni shkolla të mira dhe të ngrohta, që në to të mësoni dhe të punoni, kurse kur rriteni të na zëvendësoni. Faleminderit që më keni dëgjuar, që qeshni dhe luani, ndërsa detyra jonë do të jetë që të jeni kështu edhe në të ardhmen”, tha Milovanoviq.
Drejtori i ShF “Knez Lazar”, Mishko Filipoviq, ka falënderuar për dhuratat dhe shtoi se ai shpresonte se ky bashkëpunim do të vazhdojë.
Nënkryetari i Komunës së Graçanicës, Sebastijan Sherifoviq, ua ka shpërndarë fëmijëve romë në Komunën e Graçanicës sot 150 dhurata.
Dhuratat janë ndarë edhe në shkollat e tjera në Komunën e Graçanicës
Përfaqësuesit e Komunës së Graçanicës ua kanë dorëzuar drejtorëve të shkollave fillore në Shtëpinë e kulturës në Graçanicë dhuratat që janë përgatitur për fëmijët nga Kosova nga moshatarët e tyre nga Novi Sadi.
Siç bëhet e ditur nga Departamenti komunal për Arsim, Kulturë, Rini dhe Sport gjithsej janë ndarë 700 dhurata.
Dhuratat i kanë marrë edhe fëmijët parashkollor, nxënësit e klasës së parë dhe të dytë të ShF “Miladin Mitiq” në Llapnasellë, të ShF “Kralj Milutin” në Graçanicë, të shkollës fillore në Uglar dhe të ShF “Sveti Sava” në Sushicë.
Dhuratat për miqtë nga Komuna e Graçanicës janë përgatitur nga fëmijët e shkollave fillore nga Novi Sadi. Aksioni u organizua falë bashkëpunimit në mes të deputetit të popullit nga Kosova, Vladeta Kostiq, kreut të Qarkut administrativ të Kosovës, Srgjan Petkoviq, Komunës së Graçanicës dhe të Qarkut administrativ të Baçkës Jugore. Kamioni me dhurata është dorëzuar të martën e kaluar, kur Komunën e Graçanicës e vizitoi kryetari i Novi Sadit, Milosh Vuçeviq.
Përfaqësuesit e Komunës së Graçanicës i kanë ndarë nxënësve të ShF “Knez Lazar” në Gushtericën e Poshtme dhuratat që ishin përgatitur për ta nga moshatarët e tyre nga Novi Sadi.
