Organizata turistike e Graçanicës, me mbështetjen e Komunës së Graçanicës, organizon konkursin e gjashtë fotografik garues me titull “Fotografia më e bukur e Komunës së Graçanicës”, me qëllim të promovimit të bukurisë natyrore, trashëgimisë kulturore dhe jetës së përditshme të komunës.
Fotografitë duhet të bëhen ekskluzivisht në territorin e Komunës së Graçanicës, ndërsa pjesëmarrësit duhet të jenë autorët e fotografisë ose mbajtësit e të drejtave të autorit. Nuk lejohet shtimi i logove, filigranëve dhe shenjave të ngjashme në fotografitë.
Fotografitë e bëra me aparat fotografik ose telefon celular, bardh e zi ose me ngjyra, në format digjital mund të dorëzohen në konkurs. Pjesëmarrja në konkurs është falas dhe vullnetare.
Afati i fundit për aplikim është 20 nëntori, ndërsa fotografitë të dërgohen në këtë e-mail: konkurs.tog@gmail.com. Çmimi paraparë prej 250 eurosh është planifikuar për fotografinë më të bukur.
Konkursi është një mundësi për qytetarët që ta tregojnë bukurinë, veçantitë dhe shpirtin autentik të Graçanicës përmes fotografisë.
